Populaire Bijbelverzen uit Eksodas 9

Delen

Bat mi bin letem yufala fo laef, bikos mi laek fo somaot long yu dat mi garem paoa, mekem nius long paoa blong mi hemi kasem evriwea long wol.

Yawe hemi tok moa olsem long Mosis, “Yu go moa long disfala king, an talem hem olsem, ‘Yawe, God blong mifala Hibru nao hemi tok olsem: !Letem pipol blong mi fo goaot from kantri ya, mekem olketa save wosipim mi!’

Sapos mi bin wande duim, mi save yusim bikfala paoa blong mi fo panisim yu wetem olketa pipol blong yu long wanfala bikfala sik an finisim yufala nao from disfala wol.

Yawe nao bae hemi panisim yu. Bae hemi sendem go wanfala barava nogud sik fo hemi kasem evri animol blong yufala, olsem olketa hos, an olketa dongki, an olketa kamel, an olketa buluka, an olketa sipsip, an olketa nanigot blong yufala. Bat bae mi mekem hemi deferen fo olketa animol blong pipol blong Israel, an hemi narawei fo olketa animol blong Ijip. Bae no eni animol blong Israel hemi save dae.

So, tumoro long disfala taem, bae mi mekem olketa bikfala ston long aes fo foldaon kam olsem ren. Bae olketa foldaon bikfala tumas, wea no eni man hemi bin lukim yet long kantri ya bifoa. Distaem yu mas talem olketa pipol blong yu, fo go tekem olketa animol blong yu wetem olketa narafala samting blong yu wea i stap aotsaet, an putum insaet long haos, bikos sapos olketa stap aotsaet, bae olketa ston blong aes ya i foldaon long olketa, an kilim olketa evriwan dae.’ ” So Mosis hemi go an talemaot disfala Mesij blong Yawe.

An dast blong hem bae hemi spred olobaot, an hemi kasem evri ples long kantri ya. An long evri ples ya, evri pipol an evri animol bae i garem bikfala boela wea i kamap bikfala soa olobaot long bodi blong olketa.” So tufala tekem samfala asis, an go stanap frant long king. Mosis hemi torowem asis ya goap. Nao olketa bikfala boela i kasem olketa pipol an olketa animol blong olketa.