Populaire Bijbelverzen uit 2 Corintios 12

Delen

As ech kat tal Aak ile' sve: «K'ujb'a' ak'u'l ti' vunb'a'nile' uva' at sak'atz, tan a' nunk'uchkat vunyak'ile' te unq'a uxhchile' uva' nipal stuul uva' ye'xhkam nitx'ol ib'anat sijunal,» ti'k Aak tal sve. Esti'e' uva' la unje'sa vib' ti' unq'a vee' uva' ye' nuntx'ol unb'anat sunjunal, tan tul uva' ech nunb'ane', as nik'uch u Cristo viyak'ile' sve ti' ilochat in Aak.

Esti'e' va'l untxuq'txune', tul uva' nunnache' uva' ye' la untx'ole', as tul uva' nunyoq'pe', as nunpaleb'e k'axk'o, as moj nixaansal vaama. As kam kuxh itza'lalil nunpaleb'e ti' u Cristo, as tul uva' nunnache' uva' ye' la untx'ole', as Aak ni aq'on iyak'il u vaanxelale'.

As k'uxh la unje'sa vib' ti' unq'a vee' kat vila, as jit va'lexhe' uva' la vale', tan an chite' u yole' uva' la vale'. Pet ye' la unb'ane', tan ye' nunsa' uva' la oksal unq'ii ti' unq'a vaa' kat unb'an tuk' uva' kat vala. As ti' uva' ye' la unpaasa vib' ti' uva' kam kat b'ex vila, as esti'e' nunpaleb'e unq'a k'axk'oe' uva' eche' umaj ch'i'x uva' kat ok ti' vunchi'ole'. As ye' nitele'. As a' u Satanáse' kat aq'on tzan u k'axk'oe' svi', ti' uva' ye' la unpaasa vib' ti' unje'sat vib'.