Populaire Bijbelverzen uit 1 Corintios 10

Delen

Tan jank'al uve' ni tul seti' ti' uva' la paavin ex sta'n, as eche' unq'a vee' ni tul ti' unjoltu unq'a tename' ti' uva' la paavini. Pet k'ujleb'al k'u'le' u Tiixhe'. Tan tul uva' la ul u va'lexhe' seti' uva' la aq'on ku' ex tu paav as ye' la oleb' ex sti' nenache'. As Aake' la lochon ex ti' etel vatz u paave', aq'al uva' ye' la oleb' u paave' seti'.

Pet la val sete, tan kam uva' la etechb'u moj kam uva' la etuk'a as moj kam uma'toj la eb'ane', as eb'antaj skajayil ti' etoksat iq'ii u Tiixhe'.

Esti'e' ni val sete, as echab'ataj chit ek'ujb'a't etib' jank'al ex uva' ni alon uva' ye' la eb'ane' eche' uve' kat ib'an unq'a q'esla kub'aale', as la chit etil je' etib' ti' uva' ye' la paavin ex.

As ech ni tal u yol ile': «Kam uva' ni tal qaama uva' la kub'ane', as la uch kub'anata',» ti'k u yole'. As ati uva' jit u b'a'ne' la taq' sqe. As k'uxh ech ni tal u yole'. Pet jit kajayil la lochon o' ti' iyak'in u kutxumb'ale' ti' u qatine' k'atz u Tiixhe'.

Esti'e' ni val sete uva' jit kuxh u qetze' la qitz'a, pet la kuchuk txumb'al ti' kub'anat b'a'nil te unq'a tename'.