Populaire Bijbelverzen uit HAGONEGAHANI 17

Delen

Matena o Abaramo ki tonga na harisi 99 iana, na Araha ki vora tanga ma ki vi: “Inê ki na God raramohaga hunia. Go têtê viteaku ma ku katogi tare na tarani ga ototo i maaku.

Haganega tenia i ngekê na atamu ki no Abarahamo ma ki mareha vi o Abaramo, suria inê kê katogo, ko vora re na êvarita rako na hakuta ninuni suria na maveta.

Inê be hagamonaria tare na tohenga iaku ke tatarê surigamu, igo ma na raraha iamu, ma ke tatarê surira na apaparaha tare ki bê ki arâ. Na suruheri iaku ki page gâga hagahu. Inê be God iami, igo ma na raraha iamu.

“Inê kê naka vikê na suruheri iaku henigo. Inê kê tohê, vi igo nga ki na êvarita rako na hakuta ninuni suria na maveta.

Ma God ki arami, ki vi: “I bara vê! Ka Sara na gete iamu ngaia ki page apara vê na kare mane, ma igo ko page hêtana vi o Isako. Inê be hagamonaria na suruheri iaku henira, ngaia nga ma na raraha iana, tare ki bê ki arâ. Na suruheri iaku ki asa vige page hato.

Inê be haganahunigamu, igo ma na raraha iamu renia na agua ikê i Kanani, mu mamahuara igê i ngekê. Na raraha iamu ka page nahunia hagahu i Kanani hagenani ma inê nga be God iata.”

O Abarahamo ki bêrusu so ki puru i ano, ma ki mamanamui, suria i tako ki vi: “Tanu hega na mane ki girara i apara kare, matena i tongatonga na harisi tangarê gi tage iana? Ma ka Sara ki tonga na harisi tangahuru gi siva iana. I hega, ngaia ki girara vari i apara kare?

God ki vi tanga o Abarahamo, ki vi: “Haganega tenia i ngekê ko hêtana kaniamu, vi ka Sara, mareha vi ka Sarai.

Mu retegi râ gavoni na varata, na girarana na suruheri i berarogaka, igamu ma inê.

Ma inê be hagamonaria na suruheri iaku henia nga o karemu o Isako. Ka Sara ki page apara tangago i na matena manga i ngekê i na harisi i muri.”

Ki tuguhigamu, mu retegi râ na gavoni na varata na ara ni kare mane, tatarê surira na apaparaha, matena i hatohato hurira na tangiani ge varu. Na tarana ngekê ki tangara nikâ na kare vurivuri i pasimi ma tangara na ani mu vurira tenira na enoni hagatê getera. Na ara ni mane ki tuguhira na reteha ngekê. Na orena na reteha ngekê ki na girarana, vi na suruheri iaku henigamu ki asa vige page hato.