Populaire Bijbelverzen uit San Marcos 9

Delen

Ába laríñagun Jesúsu lun. —¿Ca uágu baríñaga ítara? Inárüni luágu gayára lan nadǘgüni. Sun cátei gayáraati lun le afíñebei.

Ába lagúaragun lúguchi irájü ligía. —¡Afíñetina, íderagua bána lúntima nafíñerun!

Ábati lebélurun Jesúsu múnadoun, ába jálügüdüni láni disípulugu dan le jábuguarügaña lúma, ába jaríñagun lun. —¿Cásan uágu siñá wabalin espíritu wuríbati ligía aságara? Ába laríñagun joun. —Ladǘga líbe espíritu le, láu rügǘñein ayúmuraguni lun Búngiu lúma ayúnaruni gayára lan láfuridun.

Buíti sálu, ánjein leféridira lubásuan, ¿cábagi un ju lan? Ítara líña lubeíti, awánda jumeí sun ouchúni lubá jarúmadun ligíbugiñe Búngiu, lídan jumá úaraguni júmagua.

—Gürígia le erésibiruti ában irájü quei le lídan níri, resíbi lumútina, áni máma rügǘñein áu lerésibira, resíbi lumúti gíñe Núguchi le oúnajabalina.

Ninárün jáu luágu furúmieguarügü lan le íchuguti ában wéru dúna jun lídan níri ladǘga láni jumá Crístu, libíjuba afáyeiruajaü buíti.

‘Furúmieguarügü le afígoungüdüti ában jádaangiñe ja isérigiñabaña lídan jafíñen nuágu, buítimaati jamúga lun lun lágurúniwa baránajoún láu ában oúnwenbun dǘbü le amúligülei güráñu luágu ligíina sügǘ láu ladǘgüni cátei líra.

Ánjabu gíñe lafígoungüda bágu, buítimaati lun baságaruni, ladǘga buítimaati jamúga bebélurun lídoun larúeijan Búngiu láu ában águu sügǘ láu jamúga badarún máfiougatin láu biángubei bágu