Populaire Bijbelverzen uit Gḭ-Néje 35

Delen

Ala ulá pana: Ma m’to Ala gə́ m’to Bao-siŋgamoŋ. Maji kari oji ŋganje bula ar dee d’ɔs goo na̰ goo na̰ ya. Ginkoji dəwje gə́ kára ləm, gə ginkoji dəwje gə́ bula ləm tɔ lé d’a kḭ rɔi’g ləm, mbaije kara d’a teḛ məəi’g ya ləm tɔ. Dɔ naŋg ɓee neelé gə́ ma m’ar Abrakam gə Isaak lé m’a kari-i gə ŋgakaije gə́ d’a korè gooi gə́ ka̰ dee ya.

Jeḛ j’a kḭ tuga loo kaw Betel. Lée gə́ neelé ɓa m’a ra loo-nékinjaməs keneŋ kar Ala, yeḛ gə́ oo ndum mee ndɔ gə́ ma m’nai ne dan nékəmndoo’g ləm, gə nai səm loo-mbá gə́ ma m’aw keneŋ lé ləm tɔ.

Ala ulá pana: Rii lé to Jakob nɛ d’a ɓari Jakob gogo el ŋga. Rii a to Israɛl ɓa. Ndá Ala unda ria lə Israɛl.

Jakob ula njémeekəije ləa gə deḛ lai gə́ d’isi səa lé pana: Tɔrje magəje gə́ dɔ ɓee’d gə́ to mbuna sí’g lé gə́ raŋg ləm, togoje rɔ sí ləma, tel tulaje kubuje gə́ raŋg rɔ sí’g ləm tɔ.

Ala ula Jakob pana: Uba naŋg ḭta, aw Betel mba si keneŋ. Lée neelé i a ra loo-nékinjaməs keneŋ kar Ala, yeḛ gə́ teḛ dɔi’g loo gə́ i aḭ ŋgokɔḭ Esawu lé.

Nɛ loo gə́ kəmə ləa a gə godo mbata yeḛ a gə kwəi ndá yeḛ unda ria lə Ben-Oni, nɛ bɔbeeje ɓaree Bḛjami.