Populaire Bijbelverzen uit Teḛ-Raga 16

Delen

Israɛlje d’ula dee pana: Kar sí j’wəije ji Njesigənea̰’g mee ɓee gə́ Ejiptə lé ɓa maji, loo gə́ j’isi ta ŋgoro naḭ da’g ləm, j’o̰je muru j’ar meḛ sí ndan ne tub-tub ləm tɔ. Mbata seḭ lé ɔr síje teḛje sə sí dɔdilaloo’g neelé mba kar koso-dəwje neelé d’wəi yoo-ɓoo ya. Njesigənea̰ ula Moyis pana: Aa oo, m’a kar muru ḭ dara gə́ tar gəḭ naŋg mbata lə sí. Dəwje lé d’a teḛ raga gə ndɔ dee ndɔ dee mba kodo né gə́ d’aw ndée gə mba kam m’aḭ ne meḛ dee m’oo see d’a njaa gə goo godndum əsé d’a njaa ne el wa.

Koso-dəwje gə́ Israɛl lai lé jém ta, d’im ne rɔ dee dɔ Moyis’g gə dɔ Aaro̰’g dɔdilaloo’g.

Moyis pana: Ɓogənè lé loo gə́ kàr a kandə lé ndá Njesigənea̰ a kar sí da mba kar sí sɔje ləm, bèlè gə ndɔ lé yeḛ a kar sí muru kar meḛ sí ndan ne ləm tɔ, mbata Njesigənea̰ lé oo ndu jém ta lə sí gə́ seḭ imje ne rɔ sí lé ya, mbata jeḛ lé see jeḛ n’toje gə́ ɗije to wa. To jeḛ ɓa seḭ jémje ta imje ne rɔ sí dɔ sí’g el, nɛ to Njesigənea̰ ɓa seḭ imje rɔ sí dəa’g ya.

Ma m’oo ndu jém taje lə Israɛlje ya. Ula dee pana: Ɓogənè lé loo gə́ kàr a gə kandə ndá seḭ a sɔje da ləm, bèlè gə ndɔ lé seḭ a ko̰je muru karje meḛ sí ndan tub ləm tɔ, yee ɓa seḭ a gərje ne gao to gə́ ma nja m’to Ala lə sí gə́ Njesigənea̰ lé.