Populaire Bijbelverzen uit Romanos 5

Delen

Qaláxasa da' ỹátaqta ỹichoxot da' ñi' Dios qo'mi ỹauoteque 'eet'oi: So' Cristo qo'mi ỹileualóo'te qa'en, temaqaidi da' qo'mi maliaxa souqátaaue da' qadoiquiaxac.

Qana'chi dójo' qanaquitaxac ỹí'et da' sa ñ'alóxonaqtac. Qá'a da' lesóxodic ñi'me Dios sóxote da' qoỹicodí'ñiita naua' qadiquidiaqtel, chiỹoqóchiỹi qa'en so' Espíritu Santo 'me ma'le qo'mi ỹanema.

Qaláxasa sa na'chidáta dójo'. Nataq'en qo'mi máchidiñi ỹasouaxat da' qane'queténaxac. Qá'a qo'mi saỹátenaq dójo' 'queténaxac da' ỹí'et da' qanapogáxadenaxac, qana'chi dójo' pogáxadenaxac ỹí'et da' qo'mi qoỹiỹamaxadéete'. Qana'chi da' qo'mi qoỹiỹamaxadéete', qana'chi 'uo nataq'en da' qanaquitaxac.

Sóxote qo'mi ỹiỹamaxade'n ñi'me Dios ỹasouaxat da' qadip'iỹáxac. Chan'eesa naỹi ñiỹamaxadénaqte' jiñi'me, qana'chi dójo' chiỹoqóchiỹi so' qadesaliaxanec Jesucristo. Qá'a so'me chiỹoqóchiỹi da' tadeeto' qo'mi senoxonaxauó'o dójo' lichoxodénataxanaxac ñi'me Dios, qana'chi dójo' chiỹoqóchiỹi da' qadip'iỹáxac. Chan'eesa dójo' nichoxodenataxanaxac ỹátaqta ñ'añaxataxac, qataxa qo'mi madet'apolqa, qá'a 'uo da' qanaquitaxac da' ñiuánaqa'uo da' li'ỹoxodic ñi'me Dios.

Qá'a joca'li souqátaaue da' qaỹa ga' qad'añaxac da' mai'chi ñic'alaxataxala't, qana'chi so' Cristo ỹileualégue jen' sa nó'inpi joca'li ỹivíta so' lalóqo' qa'en ñi'me Dios.

Qana'chi naỹi da' ma'le qo'mi ỹiỹamaxade'n ñi'me Dios da' sachíỹoxosoqchiỹi da' leleuaxa so' Cristo, qana'chi lamá'asa da' 'eesa da' qo'mi nec'alaxatréegue jeso'me jega'me ne'uaxánaguec jen' siỹaxadipi 'me naỹa'quéna.

Qá'a dójo' naq'áita joca'li sa ỹalaq so' 'oonolec siỹaxaua, qana'chi ỹasouaxat da' sa lec'óxotolec na' 'itaxalóxoicpi, qana'chi naq'áita nataq'en jeda'me laláxadic so' 'oonolec siỹaxaua 'me ỹí'et da' sa lec'óxotolec qa'en jen' ỹiỹamaxaden ñi'me Dios.

Qataxa sa na'chidáta dójo'. Qá'a nataq'en qo'mi ñitónaqtapeec ñi' Dios, qana'chi dójo' qantónaxac chiỹaqaỹi so' qadesaliaxanec Jesucristo. Qá'a jeso'me chiỹaqaỹi da' tadeeto' ñiỹamaxadénaqa'te' ñi'me Dios.