Populaire Bijbelverzen uit Romanos 2

Delen

Qana'chi 'am 'me 'auáatapiỹi ga' lasouaxaset ga' 'adaqáỹa, qamaale 'am nataq'en 'au'étetac jen'me sa nó'inpi, ¿'auéetapecogamaxa da' 'am ỹaxan ñi' Dios, qom'chi ỹa'uo ga' ne'uaxánaguec jega'me 'uo ga' huasoilégue? 'Uootaxa ¿'am 'au'otan séetapega da'me sa ỹiméta lichoxodénataxanaxac qataxa da' neuálaxainaxac ñi' Dios, qaama'le sa 'auanóma dójo' nichoxodénataxanaxac da' 'am ỹauec'aguet da' 'auañoxot da' 'auaxadíñi naua' 'adoico?

Chan'eesa sa naqaida da' qaỹa ga' 'adasouaxac, 'am 'me 'auáatapiỹi ga' lasouaxac ga' 'adaqáỹa, temaqaidi da' jái'chogamaxa da' 'onéta. Qá'a da' 'am 'auáatapiỹi ga' lasouaxac ga' 'adaqáỹa, qana'chi 'am mai'chi 'oquéta'uo lai da' qoỹa'uo qomle ga' 'ane'uaxánaguec, qá'a 'am nataq'en 'au'étetac jen'me sétaaque da' 'anmit.

Qá'a ñi' Dios sa niquiỹátapiỹi jen'me siỹaxadipi.

Qá'a sa ỹiỹamaxaden ñi'me Dios ga' nedóteegue qa'en da' naquiáxatapega jen' naqátaxacpi, na'chigáta jega'me ỹátaqta ỹalaq.

Jega'me nolo' qomle jiñi'me ỹa'uo ga' neseeténaguec ñi' 'oonolec ga'me táchiỹi jega'me ỹ'étetac.

Qaláxasa ỹidolégue qomle da' lalemataic qomle ỹa'uo ga' ne'uaxánaguec jen'me ỹ'étetac ga' mai'chi 'éetapeec qataxa sa ỹaloxolégue da' 'eesa lasoxoc, na'chínata jen'me sa nó'inpi.

Qaláxasa 'am ỹátaqta sa nedámchiỹi jana' 'adiquidiaqte qataxa sa 'auaxadíñi naua' 'adoico. Chan'eesa 'ená'am da' mai'chi 'alapootapega't da' 'ane'uaxánaguec qom'chi ỹivíta ga' nolo' 'me huétooue da' ỹichoxot ñi' Dios ga' lasouaxac ñi' 'oonolec da' ỹa'uo ga' ne'uaxánaguec.