Populaire Bijbelverzen uit Romanos 11

Delen

Qá'a ỹima jen'me huetalquéna chiỹoqo'ot ñi'me Dios, ỹima l'onatacpi jiñi'me, qataxa mai'chi lalémaxasetpi. Chan'eesa ¡na'chi 'eeta't da' si'ỹoxodénaqtac jiñi'me Dios! Já'a, na'chi naq'áita dójo'.

¡Ỹátaqta sa dalaỹá'a da' lichoxodénataxanaxac ñi'me Dios, qataxa da' laỹátenaxanaxac, qataxa da' laatetonaxanaxac! Ỹátaqta sa saỹátenaq da' s'axátaxaguelo naua' 'éetapeeque qataxa naua' ladíco.

Qá'a “¿jái'chogamaxa ỹañoxot da' ỹaỹáte'n naua' leenataxaco ñi' qadasoxola' Dios? Qataxa ¿jái'chogamaxa ỹañoxot da' ỹapaxaguen jiñi'me?

Naqaida da' 'éeta naỹi da' 'uo jen' qapiỹáñi jen'me da' chiỹaqaỹi da' lichoxodénataxanaxac ñi'me Dios da' liquiỹacpi. Chan'eesa da' 'uootaxa naqaida da' lichoxodénataxanaxac ñi'me Dios da' chiỹoxotaỹi jen'me, qana'chi sa naqaida ñi' 'oonolec da' mai'chi chiỹoxotaỹi jega'me l'onataxanaxac. Qá'a da' 'uootaxa naq'áita dójo', qana'chi da' lichoxodénataxanaxac ñi'me Dios, sa nichoxodénataxanaxac.

'Uo jen'me judiopi 'me lepee jaso'me nañiise lenaxat 'olívo 'me qoỹiquesoxóiỹi. So'me chiỹoqóchii'ña, qana'chi noleleuó'o qoỹin 'am 'me 'auená'am jaga' lepee jaga' 'olívo 'me 'chi nasee'mdi. Huá'a, qana'chi 'am 'aneuána'uo so' lepata' qataxa da' lec'alaxa jaso'me 'olívo 'me nañiise. Qaláxasa 'am sa 'anapacapeelégue qomle jan'me ỹátaqta lepeepi 'me qoỹiquesoxóiỹi. Qá'a da' 'auéetapecogamaxa da' 'am ỹ'oxodaq, qaláxasa 'aueenatét'a qomle da' sa na'chi'am 'me 'au'añaqtet so' lepata', qá'a so' lepata' 'me naqaiso so' 'am ỹ'añaqtet.