Populaire Bijbelverzen uit Marcos 13

Delen

Ỹima qomle na' siỹaxadipi ỹátaqta 'ami nautenalo, ỹasouaxat da' jaỹim 'oquíitapegue'. Qaláxasa ga'me qaỹa 'te ỹoqochi'iguet, cha ỹivíd'a ga' loiquiaqa' da' nichaalataxac, na'chiga 'me qonec'alaxatéegue.

Ỹátaqta 'anloitaiỹo' qomle qataxa 'avichiita't qataxa 'antamiñíitaco' qomle, qá'a sa 'auaỹáchiñii ga' nivídaqa'.

Qataxa qomle ỹivíta da' 'ami qoỹanhua'alo na' net'alpi, qaláxasa 'ená'te 'ami ỹaquicoqte't ga'me 'ad'aqtaquii, ỹátaqta 'ená'te 'aueenachíit'a qomle. Na'chigáta ga'me 'ami ỹanema ñi' Dios 'me 'au'axáchii, qá'a sa naqa'ami da'me 'auosíỹi, na'chigáta ga' Espíritu Santo 'me dose.

Na' piỹem qataxa jen' 'aléua ỹinoxodéegue qomle, qaláxasa da' ỹ'aqtac qaỹa 'te loiquiaqa'.

Qaláxasa ga'me nolo' qataxa ga' lalóqo' da'me, qaỹa 'te ga' ỹaỹáten, ỹivíd'a na' Dios lamaxa'spi piỹem lé'ecpi qataxa jen'me lec'óxot ñi' Dios. Na'chiñíta ñi'me ỹit'a 'me ỹaỹáten.

Qaláxasa qomle 'ami 'aup'iquiilégue ga' laataxac chimaqáchii'ñalo, qana'chi 'ená'te 'au'óỹii, qá'a naqaida 'éeta qomle; qaláxasa maliaxása sa ỹovíta ga' loiquiaqa'éna.

Ỹátaqta 'anloitaiỹo' qomle, qá'a 'ami sa 'auaỹáchiñii ga'me lalóqo' da' nóvi' ga'me lalémaxaset ga' 'emec, qomle n'álchiiñi, 'uootaxa pí'ỹaxalaiñi, 'uootaxa ga' noinaqa' na' 'olégaxa, 'uootaxa da' ỹ'oxosáñi. Qá'a 'uo da' lepelaqtaxanaxac da' nóvi', qana'chi 'ami ỹilaloo'to' qomle 'au'ochíitac. Da'me ỹ'aqtac 'me 'ami senapegalo, da'me ỹima qoỹimíchiỹi, 'enaac: Ỹátaqta 'anlóitaiỹi qomle.

Qá'a na' ỹodapecachi siỹaxadipi deloiỹa't, qataxa ga' net'a naláat'e' ga' net'a laqáỹa, qataxa jalcote naua' hua'alo na' ledáxac jen' 'aléua, qataxa 'uo ga' né'ep, qataxa let'ádaic ga' noqochoxo. Qana'chi ỹima jénjo' naqáina na' chiỹoqóchii'ña na' 'queténaxacpi.

Qá'a qomle ỹauaqá'a da' ỹinoxoneequéna, qana'chi da' n'aqtac 'me nec'alaxaqui chaliaxa qoỹ'axátem ỹima na' ỹodapecachi siỹaxadipi.

Qá'a ỹátaqta jalcote qomle na' janac da' 'chi ỹinoxótaaue da' ỹinaxat, qana'chi 'enaac: “Na'chaỹim 'me jaỹim 'adet'ai 'adec'alaxaquii;” qana'chi ỹátaqta jalcote qomle na' ỹoqovin.

Qaláxasa 'ami mai'chi 'anloila't qomle. Qá'a 'ami qoỹanhua'alo qomle na' net'alpi, qataxa 'ami qoỹi'uaxaat'ape da'me 'ovíi'ỹa ga'me lemáxaqui na' judiopi. Huá'a, qana'chi 'ami qoỹaueegueta na' net'alpi 'me ỹilótapee'to naua' 'ale'u qataxa na' let'alpi jen'me, ỹasouaxat da' jaỹim 'oquíitapegue'. Huá'a qomle, qaama'le ỹovid'ot da'me 'au'axáchiim jaỹim jen'me.

Qá'a jalcote qomle na' janac qovínaxanaxaicpi, 'enapeela't net'a nec'alaxaqui, 'uootaxa da' l'aqtáxanaxanec ñi' Dios. Qataxa jen'me ỹ'e't qomle naa'me n'anaqa qataxa naua' sa qoỹauanápiilo, da' doqovínaxan. Ỹitaxa 'éet'ec qomle, jen'me sóxote liquiỹacpi ñi' Dios da'me sétaaque ỹoqovin.

Qaláxasa qom'chi ỹinoxodéegue gaa'me noloqo'te 'me 'queténaxaqui', qana'chi 'om qomle jañi' c'atena, qataxa qaỹa 'te lauaq ñi' 'auóxoic, qataxa nachiñi qomle jan' huaqchiñipi, ỹivíd'a deda qomle na' n'añaxacpi 'me huet'ot na' piỹem.