Populaire Bijbelverzen uit Apostolo 2

Delen

Mái Petero a kos di ngoro minái, “Gam no gama tapriu alari kamu tan sápkin tatalen má gamáng kipi arsiu i ngisán ái Iesu Karisito suri ái Káláu na pah palai kamu bos sápkin. Má gamáng kipi Tanián a Pilpil ngorer i artangan káián ái Káláu uri narsá gam.

Má bos tám ruruna di tar kunlai kándi liu suri bos tatalen ngoromin. Di lu longra pasi aratintin káián bos apostolo má mur arwat pasi. Di lu kis án ararguna má artangan arliu mai kepwen hol sár. Di lu hut talum suri namnam tiklik má ani Namnam kán Konom, má suri sung talum mul uri narsán ái Káláu.

Má di no di káng mai Tanián a Pilpil, má dik turpasi worwor mai lite wor ngorer Tanián a apos tari si di.

Káp melek sár má dik longrai kesi kaungán táit tilamuni naul bát. Má irngán táit min a ngoro kaungán tiling kihkih a sosih mák akángái kunlán rum erei di kis talum ái. Ngo ákte hut mái táit er, namur di pánpán má dik mákái táit a ngoro boh kermen kámnah a hut sosih, ki ák tam sara uri kelgen kermen mák han kis i keskeskes tili di iatung. Má di no di káng mai Tanián a Pilpil, má dik turpasi worwor mai lite wor ngorer Tanián a apos tari si di.

Má i bosbos bung no di lu balbal longoi ngoromin mul. Di lu hut talum suri lotu iatung i pelbut i rumán osmapak. Má dik lu hut talum mul suri namnam tiklik tangrai kándi tan rum keskeskes. Má dik lu kis án ararguna talum mai gasgas, má dik lu artabar arliu i di mai lain bál di sang, má dik lu parpara agas ur si Káláu. Matananu no di mák ilmi ngo tan tám ruruna a lain ninsin i di pasi dik laes mam di. Má i bosbos bung no ái Káláu a aliu pas di ái rung di pukdai kándi liu, má ngorer lálám i boh tám ruruna ák lu marmaras hanhan.

má a parai kán worwor ái Káláu ngoromin, ‘I áwáwatin bung, ina urai Taniang nák porta i matananu no. Rang nat gam, tan káláu má boh kalik átlái, da mánán tusi midang má dák arbin talas mai. Má kamu tan kalilik kaukak da mákái mákmák, má tan pupunkak tili narsá gam da mihi mihmih.

Bos tám ruruna di lu balbal hut talum má dik lu artabar arliu i di mai kándi tan minsik. Ái rung a mon i kándi kesá kuir bim ngo kándi tan minsik, di sirai pasi pirán tabal, má pirán tabal er di apángái, di kipi má dik tari si di ái rung di sáhár suri ák artálár mai kándi sáhár.

Mái sinih na sung Konom suri na tángni, ái Konom sang na aliu pasi.’

ngorer nas kápte na pos, na kuron pagas, má kalang na mirik ngoro dár. Má ngorer ngo tan akiláng ákte hut má, erei má tilik támin bung si Konom na purut.