Populaire Bijbelverzen uit Хосталыышкын 15

Delen

Ол: «Дээрги-Чаяакчы Бурганыңарның сөзүнге чагыртып, Меңээ таарымчалыг чүүлдерни кылыр болзуңарза база Мээң айтыышкыннарымны тооп дыңнап, бүгү дүрүмнеримни сагыыр болзуңарза, Египетче салган аарыгларымның чаңгызын-даа силерже салбас мен. Силерни экиртип турар Дээрги-Чаяакчы – Мен-дир мен!» – деп чонга чугаалаан.

Дээрги-Чаяакчы – мээң күчү-күжүм-дүр, Ону алгап ырлаар мен. Ол – мээң Камгалакчым болду. Ол – мээң Бурганым, Ону кымдан арттыр мактаар мен, Ол – мээң ачамның Бурганы, Ону кымдан арттыр мактаар мен.

Дээрги-Чаяакчы, бурганнар аразында Сээң-биле эннежир кым барыл?! Сен дег ындыг – ыдыктыы-биле өндүр бедик, макталга төлептиг база кайгамчык чүүлдер чаяап турар – өске кым барыл?!

Бодуңнуң камгалап кааның чонну энерелдииң-биле эдертип аппар чыдыр сен – ыдыктыг чериңче Бодуңнуң күчү-күжүң-биле чедирип бар чыдыр сен.

Марага чедип кээрге, ооң суу ажыг болган – ону ижип шыдавааннар, ынчангаш ол черни Мара деп адап каан турган. Чон Моисейге хорадап: «Ам чүнү ижер улус бис?» – деп хыйланып турган. Моисей Дээрги-Чаяакчыдан дуза дилеп кыйгырарга, Ол аңаа ыяш айтып берген. Моисей ол ыяштың будуун сугже киир октаптарга, сугну ижип болур апарган. Бурган шак ол черге чонга хоойлу биле дүрүмнү берген, оларның бүзүрелин шенээн.