Populaire Bijbelverzen uit Jenɛɛsë 35

Delen

Nyɔsʋa nya ‑gbala 'ɔɔn: «'Mɔɔ bä Ɛlë Sadaii. ‑Gu! 'Paplagälɩ! 'Nyaa ‑na 'jüa 'jü 'plä nyra 'pläɩɩ 'lɩnröröa 'kä ‑nya 'kɩɩɩ ‑gua. 'Blɩlɩ 'n ‑nyɩ käa' Abraamë nyra Isaakë, 'nyaa ‑mɩ 'iin ‑nyɩa; ‑Na 'jüa 'jülü nëmäa' ‑mɩ 'klɩtroro nɩ, 'nyaa 'üün 'blɩlɩ ‑nyɩa.»

'Ba sɔwʋ amä Bɛtɛlë mi, 'mä Nyɔsʋaa ‑gbɔsatöwlö 'pie. 'Ɔɔ ji 'mɩ ‑gba 'taɩn 'lɩ 'n bä käa' ‑sʋɩ 'lɩ. ‑Plɩɩlɩ kä 'fɩɔ 'n ‑sröröa' 'ɔɔ bä kä 'na ‑gba.»

Nyɔsʋa nya ‑gbala 'ɔɔn: «‑Na 'nyrɩ bä Jakɔɔbë, ‑maa ‑na 'nyrɩ ‑ka ‑nëmä Jakɔɔbë ‑a bä, ‑na 'nyrɩ bä ‑mlatɩ Israɛɛlë.» 'Ɔnya ‑nyɩ 'ɔmɩ Israɛɛlë 'nyrɩ 'lɩ.

Jakɔɔbë nya ‑gbala 'ɔa ‑gböölia nyüüa 'fɩɔ, nyra nyüülü ‑mülü kä 'fɩɔ nyra 'ɔɔn 'nyɛɛa', 'ɔ ‑nëma: «'Ba 'babalɩ ‑wäsɩalü bäa' 'ana ‑tɔrʋpɩɔ, 'ba ‑futo, 'ba 'cici 'ana 'sosroodii 'amä ‑fre 'lɩ sɔ!

Nyɔsʋa nya ‑gbala Jakɔɔbë: «Sɔwʋ, mi ‑a kʋ Bɛtɛlë. ‑Plɩɩlɩ Nyɔsʋa 'tɔrɔ käa' ‑mɩ 'klɩ, 'taɩn 'lɩ fɔlɔ käa' ‑na ‑wlajʋ Esau 'klɩ.» 'A ‑nyɛɛ ‑a ‑paala 'ɔa ‑gbɔsatöwlö.

‑Maa 'ɔ jäa' ‑bɛ 'ɔ möa' nɩ, 'ɔnya 'dara 'jʋlɔ Bɛnë Oni. ‑Maa 'ɔa tʋ nya ‑nyɩ 'ɔɔn Bɛnjamɛɛ 'nyrɩ.