Populaire Bijbelverzen uit مَتَّى 28

Delen

عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس. و عَلِّموهُم أن يَحفَظو كُل الأمَرتَكُم بيهو. و شوفو! أنا مَعاكُم كُل الأيام، لِغايَة آخِر الدُّنيا.“

و يَسُوع قَرَّب ليهُم و قال: ”الله أدّا لَي كُلّو سُلطَه في السَّما و عَلى الأرض.

و لَكِن المَلاك قال لِلنِّسوان: ”ما تَخافو. أنا عارِف إنتو تَفَتِّشو عَلى يَسُوع المَصلوب. هو ما في هِنا، عَشان قام زي ما هو قال. تَعالو، شوفو المَحَل الهو كان راقِد فيهو.

بَعدين يَسُوع قال ليهُم: ”ما تَخافو. أمشو و قولو لِأخواني إنَّهُم يَمشو لِلجَّليل. و هِناك بِشوفوني.“

و لَمّا إتلَمّو مَعَ الشُّيوخ و إتكَلَّمو مَعَ بَعَض، أدّو قُروش كَتير لِلعَساكِر. و قالو: ”قولو لِلنّاس: تَلاميذو جو بِاللّيل و سَرَقوهو و نِحنا نايمين. و إذا المُدير بِسمَع الخَبَر، نِحنا نَشوفو و نَحفَظكُم مِن التَّعب.“ و العَساكِر اَخَدو القُروش، و عَمَلو زي ما كَلَّموهُم.