Populaire Bijbelverzen uit ፓይዱዋ 14

Delen

ሄዋ ድራዉ፥ መና ጎዳ ቦላ ማካላ ማካሎፕተ። ሄ ቢታ አሳዉ ያዮፕተ፤ ኡንቱንቱ ኑዉ ሃ ኡሻካ ጋክክኖ። ኡንቱንቶ አምቦምያዌ ባዋ፤ ሽን መና ጎዳይ ኑናና ደኤ። ህንተ ኡንቱንቶ ያዮፕተ!” ያጌድኖ።

“ሄዋ ድራዉ፥ ጎዳዉ፥ ኔን ነ ዎልቃ ኑና በሳ፤ ኔን ጋደ፥ ‘መና ጎዳይ ዳንዳያንቻነ አገና ሲቁዋን ኩሜዳዋ፤ ናጋራነ ማካላ አቶ ግያዋ፤ ግዶፐነ፥ ባይዛንቻ ሙረናን አገናዋ፤ አዎቱዋ ናጋራ ድራዉ ናናቱዋ ሄዘንነ ኦይደን የለታ ጋካናዉ ሙርያዋ’ ጋደ ኦዳ ዎዳዋ ፖላ።

መና ጎዳይ ኑናን ናሸትያዋ ግዶፐ፥ ማይነ ኤሳይ ጎግያ ሄ ቢታዉ ኑና እ ገልሳና፤ ሄ ቢታ ኑዉ እ እማና።

ሽን ታ ቆማይ ካሌብ ኡንቱንቱፐ ዱማትያ ድራዉነ እ ታና ፖሎ ዎዛናፐ ካሌዳ ድራዉ፥ ታን እ ካሰ ቤዳ ቢታ አ ጋና፤ አ ዘረይ ሄ ቢታ ላታና።

ሄዋ ድራዉ፥ ኔን ኡንቱንቶ ሀዋዳን ያጋደ ኦዳ፤ ‘ታ ደኡዋን ጫቃይ፤ ታን ህንተ ሃሳይሽን ታ ሀይን ስሴዳዋ ህንተንቶ ኦና። ታን መና ጎዳይ ሄዋ ኦዳይ።

መና ጎዳይ ሙሳ፥ “ሀ አሳይ አዉደ ጋካናዉ ታና ካኔ? ታን ኡንቱንቱ ግዱዋን ኦዳ ማላታ ኡባ በኢደ፥ አዉደ ጋካናዉ ኡንቱንቱ ታናን አማነናን እጻኔ?

እስራኤልያ አሳይ ኡባይ ሙሴ ቦላነ አሮና ቦላ ዙዙሜድኖ። ማባራይ ኩመንይ ኡንቱንታ፥ “ኑን ግብጼ ጋድያን ደኢደ ሀይቄዳዋ ግዴሮኮ! ዎይ ኑን ሀ መላ ቢታን ሀይቄዳዋ ግዴሮኮ!

ሄ ቢታ ዎቼዳ አሳቱ ግዶፐ ኔዌ ናአይ ኢያሱነ ይፉነ ናአይ ካሌብ ባረንቱ ማዩዋ ፔድኖ። እስራኤልያ አሳ ማባራ ኡባዉ፥ “ኑን ካን ከሲደ ዎቼዳ ቢታይ ሎይ ዳሮ ሎአ።

ሽን ታ ደኡዋን ጫቃይ፤ መና ጎዳ ቦንቹ ሳኣ ኡባ ኩምያዋዳን፥ ሀ አሳፐ እቱነ ሄ ቢታ በኤና። ታ ቦንቹዋነ ግብጼ ቢታንነ መላ ቢታ ታን ኦዳ ማላታ ሀ አሳቱ በኤድኖ፤ ሽን ኡንቱንቱ ታሙ ገደ ታና ፓጬድኖነ ታ ቃላ ስሰናን እጼድኖ። ሄዋ ድራዉ፥ ታን ኡንቱንቱ ማይዛ አዋቶ እማና ጋደ ጫቄዳ ቢታ ታና ካዳዋንቱፐ እቱነ ሙለካ በኤና።