Populaire Bijbelverzen uit ከሳ 32

Delen

አሳይ ሙሴ ደርያፐ ዎናን ሎይ ጋምኤዳዋ በኤዳ ዎደ፥ አሮና ዩሹዋን ሺቂደ፥ “ሃያ፤ ኔን ኑና ካለያ ጾሳቱዋ ኑዉ መ። ግብጼ ጋድያፐ ኑና ከሴዳ ሙሳ ግዶፐ፥ እ ዋኔደንቶነ ኑን ኤሮኮ!” ያጌድኖ።

ያንና መና ጎዳይ ሙሳ፥ “ኔን ኤለካ ዱገ ዎ፤ አያዉ ጎፐ፥ ነ አሳይ፥ ኔን ግብጼፐ ከሳደ አሄዳዌ ናጋራ ኦደ፥ ባረንቱ ሁጲያ ቱንሴድኖ። ታን ኡንቱንታ አዛዜዳ ኦግያፐ ኡንቱንቱ ኤለካ ሸርእ ጌድኖ። ዎርቃ ሲልሴዳ ማራ ማላትሲደ፥ ባረንቶ ኤቃ መደ አዉ ጎይኔድኖ፤ አዉ ያርሼድኖ። ኡንቱንቱ፥ ‘እስራኤላቶ፥ ህንተንታ ግብጼ ጋድያፐ ከሴዳ ህንተንቱ ጾሳቱ ሀዋንታ’ ያጌድኖ” ያጌዳ።

አሮነ ሀዋ በኤዳ ዎደ፥ ሄ ማራ ስንን ያርሽያ ሳኣ ግምቢደ፥ “ዎንታ መና ጎዳ ባላ ጋላሳ ግዳናዋ” ያጊደ ኤርሴዳ። ሄዋ ድራዉ፥ ዎንተ ጋላስ አሳይ ጉራን ደንዲደ፥ ጹግያ ያርሹዋ ሺሼዳ፤ እትፐተ ያርሹዋካ ያርሼዳ። ያቲደ አሳይ ማናዉነ ኡሻናዉ ኡቴዳ። ም ኡሽ ስሚደ፥ ቃይ ዱራናዉ ደንዴዳ።

ዎንትሳ ጋላስ ሙሴ አሳ፥ “ህንተንቱ ዎልቃማ ናጋራ ኦድታ፤ ሽን ሀእ ታን መና ጎዳኮ ፑደ ደርያ ከሳና፤ ህንተንቱ ናጋራ ታን አቶ ጊሳንታንቶነ” ያጌዳ።