Populaire Bijbelverzen uit ከሳ 10

Delen

ሄዋፐ ጉይያን ሙሳ መና ጎዳይ ሀዋዳን ያጌዳ፤ “ግብጼ ካትያኮ ባ፤ አያዉ ጎፐ፥ ታን ግብጼቱዋ ግዶን ማላነ ዎልቃማ ማላታ ታ ዎታ ኦደንቶ ህንተንቱ ህንተንቱ ናናዉነ ህንተንቱ ናና ናናቶ ኦዳና ማላ፥ ቃይ ህንተንቱካ ታን መና ጎዳ ግድያዋ ኤራና ማላ፥ ታ ዎልቃማ ማላታ ኡንቱንቱ ግዶን ኦናዉ አ ዎዛናነ አ ኦሳንቻቱዋ ዎዛና ታን ዶንጭልሳ ዎድ” ያጌዳ።

መና ጎዳይ ሙሳ፥ “ግብጼ ጋድያን አሳይ ቦች በአናዉ ዳንዳይያ ኬሻ ማይ ማና ማላ፥ ነ ኩሽያ ሳሉዋ ደን” ያጌዳ። ሙሴ ባረ ኩሽያ ሳሉዋ ደንዳ፤ ግብጼ ቢታ ኡባን ሄዙ ጋላሳ ኩመን ባራ ማይ ሜዳ። ሄ ሄዙ ጋላሳቱዋን አሳይ ኦንነ እቱ እቱዋ በኤናን፥ ዎይ ባረ ሳኣፐ ደንዲደ ቤናን ታኬዳ። ሽን እስራኤለቱ ደእያ ሳኣን ኡባን ኡንቱንቶ ፖኡ ደኤ።

ሙሴ ባረ ጋትማ ግብጼ ጋድያ ቦላን ምጭና፥ መና ጎዳይ አዋይ ዶልያ ባጋ ጫርኩዋ ሄ ጋላሳነ ቃማ ኡባ ሄ ጋድያ ቦላን ጫርክሴዳ፤ ዎንቴዳ ዎደ ሄ ጫርኩ ቦልያ አሄዳ። ቦሊ ግብጼ ቢታ ኡባ ቦላ ሻምእ ጊደ፥ ቢታ ኡባ ሳን ከስ ኡቴዳ። ሀዋ ኬሻ ቦልያ ቦሻይ ሄ ቢታን ሀዋፐ ካሰና ሀንቤና፤ ዎይ ሀዋፐ ስንዉነ ዛረደ ሀነና።