Populaire Bijbelverzen uit မဿဲ 27

Delen

နေဒန်သောင်းနာရီမာ ယေရှုဟှ “ ဧလိ၊ ဧလိ၊ လာမာရှာဗခသာနိ ” ဆိုဘီး သံက္လယ်ဂီးန အော်ဟစ်တော်မူလေဟှယ်။ အယ်မူဓိပါယ်ဟှ “ကျွန်တော့်ဘုရားသခင်၊ ကျွန်တော့်ဘုရားသခင်၊ ဖြားဖြစ်ကြောန့် ကျွန်တော့်ဟှို စွန့်ပစ်တော်မူဟှယ်နူး” ဆိုဘီး ဖြစ်လေဟှယ်။

အယ်မူခီမာဘဲ့ ဗိမာန်တော်ရဲ့ လိုက်ကာဟှာ ထတ်ဟှနေ အော့‑က်ဟှို နှေ့ခြမ်းကွဲဟှားလေဟှယ်။ မ္လေဂီးဟှာ လှောက်ဘီး က္လော့‑က်လေဟှာ အတ်ကွဲဟှားဘီး၊ သန်းခ္လိုင်းဂူလေလည်း ပွမ့်ထွပ်ဟှားလေဟှယ်။ ဘုရားသခင်ရဲ့ သန့်ရှင်းသူလေရဲ့ ကိုယ်ခန္ဓာလေဟှာ ထမြော့‑က်ဂေ့လေဟှယ်။

ယေရှုဟှာ နော့‑က်ထပ် သံက္လယ်ဂီးန အော်ဘီးဟှာ သတ်တော်ဟှို စွန့်တော်မူလေဟှယ်။

တပ်မှူးနတူးဒူ ယေရှုဟှို စောန့်ကေ့နေဂေ့ဟှူ စစ်သားလေဟှာ မ္လေဂီးလှောက်ဟှူ ဇာလေန ဖြစ်ပျစ်ဟှားဟှူ ဇာလေ ဂူလောင်းဟှို တွိဗြင်ရဟှူ ခီမာ သူးနို့ဟှာ ရရာတိုင်း ကြော့‑က်လန့်ဟှားဂေ့ဘီး “အယ်သူဟှာ တကယ်ဘဲ့ ဘုရားသခင်ရဲ့ သားတော်ဖြစ်ဟှယ်!” ဆိုဘီး ပြောဂေ့လေဟှယ်။

မွန်းဒဲ့ခီဟှနေ နေဒန်သောင်းနာရီထိအောန် တပြည်လောင်းဟှာ မှောန်မိုက်က္လလေဟှယ်။

ပိလတ်ဟှ “အယ်ဆိုဟှာ ခရစ်တော် ဆိုဘီး ခေါ်ဟှူ ယေရှုဟှို ဖြားလောက်ရမယ်နူး” ဆိုဘီး သူးနို့ဟှို မေးလေဟှယ်။ သူးနို့လေအားလောင်းဟှ “သူ့ဟှို ကားစင်တန်ပါ!” ဆိုဘီး ဖြေဂေ့လေဟှယ်။ အယ်ဘေမဲ့ ပိလတ်ဟှ “အယ်သူဟှာ ဖယ်မျိုးပြစ်မှုဟှို လွန်ကြူးမိဟှယ်နူး” ဆိုဘီး မေးလေဟှယ်။ သူးနို့လေဟှ “သူ့ဟှို ကားစင်တန်ပါ!” ဆိုဘီး သံက္လယ်ဂီးန အော်ဂေ့လေဟှယ်။