Populaire Bijbelverzen uit ປະຖົມມະການ 3

Delen

ເມື່ອ​ຍິງ​ນັ້ນ​ເຫັນ​ວ່າ​ໝາກໄມ້​ຂອງ​ຕົ້ນໄມ້​ນັ້ນ​ດີ​ເໝາະ​ສຳລັບ​ເປັນ​ອາຫານ ແລະ ທັງ​ໜ້າ​ເບິ່ງ, ແລະ ທັງ​ຊ່ວຍ​ໃຫ້​ເກີດ​ປັນຍາ​ດ້ວຍ, ນາງ​ຈຶ່ງ​ຈັບ​ເອົາ​ໝາກໄມ້​ຈຳນວນ​ໜຶ່ງ​ມາ ແລະ ກິນ​ໝາກໄມ້​ນັ້ນ. ນາງ​ຍັງ​ໄດ້​ເອົາ​ຈຳນວນໜຶ່ງ​ໃຫ້​ຜົວ​ຂອງ​ນາງ​ທີ່​ຢູ່​ກັບ​ນາງ ແລ້ວ​ລາວ​ກໍ​ກິນ​ໝາກໄມ້​ນັ້ນ.

ງູ​ນັ້ນ​ເປັນ​ສັດ​ທີ່​ມີ​ເລ່ຫລ່ຽມ​ກວ່າ​ສັດ​ປ່າ​ທັງຫລາຍ​ທີ່​ພຣະເຈົ້າ​ຢາເວ​ໄດ້​ສ້າງ​ຂຶ້ນ​ມາ. ມັນ​ໄດ້​ເວົ້າ​ຕໍ່​ຍິງ​ນັ້ນ​ວ່າ, “ພຣະເຈົ້າ​ໄດ້​ເວົ້າ​ແທ້​ບໍ​ວ່າ, ‘ເຈົ້າ​ຕ້ອງ​ບໍ່​ກິນ​ໝາກໄມ້​ຈາກ​ຕົ້ນໄມ້​ໃດໆ​ໃນ​ສວນ​ນີ້’?”

ແລະ ເຮົາ​ຈະ​ເຮັດ​ຄວາມ​ເປັນ​ສັດຕູ ກັນ​ລະຫວ່າງ​ເຈົ້າ ແລະ ຍິງ​ນັ້ນ, ແລະ ລະຫວ່າງ​ລູກຫລານ​ຂອງ​ເຈົ້າ ແລະ ລູກຫລານ​ຂອງ​ນາງ​ດ້ວຍ; ລາວ​ຈະ​ຟາດ​ຫົວ​ຂອງ​ເຈົ້າ, ແລະ ເຈົ້າ​ຈະ​ຕອດ​ສົ້ນນ່ອງ​ຂອງ​ລາວ”.

ພຣະອົງ​ເວົ້າ​ຕໍ່​ຍິງ​ນັ້ນ​ວ່າ, “ເຮົາ​ຈະ​ເຮັດ​ໃຫ້​ເຈົ້າ​ເຈັບປວດ​ຢ່າງ​ຮຸນແຮງ​ໃນ​ການ​ເກີດລູກ; ເຈົ້າ​ຈະ​ເກີດ​ລູກ​ດ້ວຍ​ຄວາມ​ເຈັບປວດ​ທໍລະມານ. ແຕ່​ເຈົ້າ​ກໍ​ຍັງ​ປາຖະໜາ​ຜົວ, ແລະ ລາວ​ຈະ​ປົກຄອງ​ເໜືອ​ເຈົ້າ”.

ເຈົ້າ​ຈະ​ຫາ​ກິນ ດ້ວຍ​ເຫື່ອ​ທີ່​ອອກ​ຈາກ​ຄີ້ວ​ຂອງ​ເຈົ້າ ຈົນ​ກວ່າ​ເຈົ້າ​ກັບ​ຄືນ​ສູ່​ດິນ ເພາະ​ເຈົ້າ​ຖືກ​ສ້າງ​ມາ​ຈາກ​ຂີ້ຝຸ່ນ​ດິນ; ເພາະ​ເຈົ້າ​ເປັນ​ຂີ້ຝຸ່ນ​ດິນ ແລະ ເຈົ້າ​ຈະ​ກັບຄືນ​ສູ່​ຝຸ່ນ​ດິນ”.

ພຣະອົງ​ໄດ້​ກ່າວ​ກັບ​ອາດາມ​ວ່າ, “ເພາະ​ເຈົ້າ​ໄດ້​ຟັງ​ເມຍ​ຂອງ​ເຈົ້າ ແລະ ໄດ້​ກິນ​ໝາກໄມ້​ຈາກ​ຕົ້ນ​ທີ່​ເຮົາ​ໄດ້​ສັ່ງ​ເຈົ້າ​ວ່າ, ‘ຫ້າມ​ເຈົ້າ​ກິນ​ໝາກໄມ້​ຈາກ​ຕົ້ນ​ນັ້ນ,’ “ພື້ນດິນ​ຈຶ່ງ​ໄດ້​ຖືກ​ສາບແຊ່ງ​ເພາະ​ເຈົ້າ; ກະທຳ​ຜິດ. ເຈົ້າ​ຈະ​ຫາ​ກິນ​ຈາກ​ແຜ່ນດິນ​ດ້ວຍ​ຄວາມ​ລຳບາກ​ທີ່ສຸດ ຕະຫລອດ​ຊີວິດ​ຂອງ​ເຈົ້າ.

ແລະ ພຣະອົງ​ໄດ້​ກ່າວ​ວ່າ, “ຜູ້ໃດ​ບອກ​ວ່າ​ເຈົ້າ​ໄດ້​ເປືອຍກາຍ​ຢູ່? ເຈົ້າ​ໄດ້​ກິນ​ໝາກໄມ້​ຈາກ​ຕົ້ນ​ທີ່​ເຮົາ​ໄດ້​ສັ່ງ​ເຈົ້າ​ບໍ່​ໃຫ້​ກິນ​ນັ້ນ​ແມ່ນ​ບໍ?”

ຫລັງ​ຈາກ​ທີ່​ພຣະອົງ​ໄດ້​ຂັບໄລ່​ຊາຍ​ນັ້ນ​ອອກ​ໄປ​ແລ້ວ, ພຣະອົງ​ໄດ້​ຕັ້ງ​ບັນດາ​ເຄຣຸບ​ໄວ້​ທີ່​ດ້ານ​ຕາເວັນອອກ​ຂອງ​ສວນ​ເອເດນ ແລະ ຕັ້ງ​ດາບ​ທີ່​ມີ​ໄຟ​ເຫລັ້ມ​ໜຶ່ງ​ທີ່​ແກວ່ງ​ໄປ​ມາ​ເພື່ອ​ເຝົ້າ​ຫົນທາງ​ໄປ​ສູ່​ຕົ້ນໄມ້​ແຫ່ງ​ຊີວິດ​ນັ້ນ.

ອາດາມ​ໄດ້​ຕັ້ງ​ຊື່​ເມຍ​ຂອງ​ຕົນ​ວ່າ​ເອວາ ເພາະ​ນາງ​ຈະ​ເປັນ​ແມ່​ຂອງ​ຜູ້​ມີ​ຊີວິດ​ທັງໝົດ.