Populaire Bijbelverzen uit ປະຖົມມະການ 21

Delen

ບັດນີ້​ພຣະເຈົ້າ​ຢາເວ​ມີ​ພຣະຄຸນ​ຕໍ່​ນາງ​ຊາຣາ ດັ່ງ​ທີ່​ພຣະອົງ​ໄດ້​ກ່າວ​ໄວ້ ແລະ ພຣະເຈົ້າ​ຢາເວ​ກໍ​ໄດ້​ກະທຳ​ແກ່​ນາງ​ຊາຣາ​ໃນ​ສິ່ງ​ທີ່​ພຣະອົງ​ໄດ້​ສັນຍາ​ໄວ້.

ພຣະເຈົ້າ​ໄດ້​ຍິນ​ສຽງ​ຮ້ອງ​ຂອງ​ເດັກຊາຍ​ນັ້ນ, ແລ້ວ​ເທວະດາ​ຂອງ​ພຣະເຈົ້າ​ໄດ້​ເອີ້ນ​ນາງ​ຮາກາ​ຈາກ​ສະຫວັນ ແລະ ກ່າວ​ກັບ​ນາງ​ວ່າ, “ຮາກາ, ມີ​ເລື່ອງ​ຫຍັງ​ບໍ? ຢ່າ​ຢ້ານ​ເລີຍ; ພຣະເຈົ້າ​ໄດ້​ຍິນ​ສຽງ​ຮ້ອງ​ຂອງ​ເດັກຊາຍ​ໃນ​ຂະນະ​ທີ່​ລາວ​ນອນ​ຢູ່​ບ່ອນ​ນັ້ນ​ແລ້ວ. ຈົ່ງ​ໄປ​ຍົກ​ລາວ​ຂຶ້ນ ແລະ ຈູງ​ມື​ລາວ​ໄປ ເພາະ​ເຮົາ​ຈະ​ເຮັດ​ໃຫ້​ລາວ​ກາຍເປັນ​ຊົນຊາດ​ໃຫຍ່”.

ນາງ​ຊາຣາ​ກໍ​ໄດ້​ຖືພາ ແລະ ໄດ້​ເກີດ​ລູກຊາຍ​ໃຫ້​ອັບຣາຮາມ​ເມື່ອ​ເພິ່ນ​ເຖົ້າແກ່​ແລ້ວ, ເຊິ່ງ​ກົງກັບ​ເວລາ​ທີ່​ພຣະເຈົ້າ​ໄດ້​ສັນຍາ​ໄວ້​ກັບ​ເພິ່ນ.

ນາງ​ຊາຣາ​ກ່າວ​ວ່າ, “ພຣະເຈົ້າ​ເຮັດ​ໃຫ້​ຂ້ອຍ​ຫົວຂວັນ ແລະ ທຸກຄົນ​ທີ່​ໄດ້​ຍິນ​ເລື່ອງ​ນີ້​ກໍ​ຈະ​ຫົວຂວັນ​ຮ່ວມ​ກັບ​ຂ້ອຍ​ດ້ວຍ”.

ແຕ່​ພຣະເຈົ້າ​ກ່າວ​ກັບ​ເພິ່ນ​ວ່າ, “ຢ່າ​ທຸກໃຈ​ເລື່ອງ​ເດັກ​ຄົນ​ນັ້ນ ແລະ ຍິງ​ຂ້າທາດ​ຂອງ​ເຈົ້າ​ເລີຍ. ຈົ່ງ​ເຮັດ​ຕາມ​ສິ່ງ​ທີ່​ນາງ​ຊາຣາ​ບອກ​ເຈົ້າ, ເພາະ​ເຊື້ອສາຍ​ຂອງ​ເຈົ້າ​ຈະ​ນັບ​ທາງ​ອີຊາກ.

ເຮົາ​ຈະ​ເຮັດ​ໃຫ້​ລູກຊາຍ​ຂອງ​ຂ້າທາດ​ກາຍເປັນ​ຊົນຊາດ​ໜຶ່ງ​ເໝືອນກັນ, ເພາະວ່າ​ລາວ​ກໍ​ເປັນ​ເຊື້ອສາຍ​ຂອງ​ເຈົ້າ”.