Populaire Bijbelverzen uit ອົບພະຍົບ 9

Delen

ແຕ່​ເຮົາ​ໄດ້​ຍົກ​ເຈົ້າ​ຂຶ້ນ​ກໍ​ເພື່ອ​ຈຸດປະສົງ​ນີ້, ເພື່ອ​ເຮົາ​ຈະ​ສະແດງ​ລິດອຳນາດ​ຂອງ​ເຮົາ​ແກ່​ເຈົ້າ ແລະ ເພື່ອ​ນາມ​ຂອງ​ເຮົາ​ຈະ​ປະກາດ​ໄປ​ທົ່ວ​ໂລກ.

ແລ້ວ​ພຣະເຈົ້າຢາເວ​ກໍ​ໄດ້​ເວົ້າ​ກັບ​ໂມເຊ​ວ່າ, “ຈົ່ງ​ໄປ​ຫາ​ຟາໂຣ ແລະ ເວົ້າ​ກັບ​ລາວ​ວ່າ, ‘ນີ້​ແມ່ນ​ສິ່ງ​ທີ່​ພຣະເຈົ້າຢາເວ, ພຣະເຈົ້າ​ຂອງ​ຊາວ​ເຮັບເຣີ​ເວົ້າ​ຄື: “ຈົ່ງ​ປ່ອຍ​ປະຊາຊົນ​ຂອງ​ເຮົາ​ໄປ, ເພື່ອ​ວ່າ​ພວກເຂົາ​ຈະ​ໄດ້​ນະມັດສະການ​ເຮົາ”.

ແມ່ນ​ແຕ່​ໃນ​ເວລາ​ນີ້​ເຮົາ​ກໍ​ສາມາດ​ຢຽດ​ມື​ຂອງ​ເຮົາ​ອອກ​ແລ້ວ​ຟາດ​ເຈົ້າ ແລະ ປະຊາຊົນ​ຂອງ​ເຈົ້າ​ດ້ວຍ​ໄພພິບັດ​ທີ່​ຈະ​ກວາດລ້າງ​ເຈົ້າ​ອອກ​ຈາກ​ແຜ່ນດິນ​ໂລກ​ກໍ​ໄດ້.

ມື​ຂອງ​ພຣະເຈົ້າຢາເວ​ຈະ​ນຳ​ເອົາ​ໄພພິບັດ​ອັນ​ໜ້າ​ຢ້ານ​ມາ​ສູ່​ສັດລ້ຽງ​ຂອງ​ເຈົ້າ​ທີ່​ຢູ່​ໃນ​ທົ່ງນາ, ຝູງ​ມ້າ, ຝູງ​ລໍ, ຝູງ​ອູດ, ຝູງ​ງົວ, ຝູງ​ແກະ ແລະ ຝູງ​ແບ້. ແຕ່​ພຣະເຈົ້າຢາເວ​ຈະ​ເຮັດ​ໃຫ້​ເຫັນ​ຄວາມແຕກຕ່າງ​ລະຫວ່າງ​ສັດລ້ຽງ​ຂອງ​ຊາວ​ອິດສະຣາເອນ ແລະ ສັດລ້ຽງ​ຂອງ​ຊາວ​ເອຢິບ, ເພື່ອ​ວ່າ​ສັດ​ຂອງ​ຊາວ​ອິດສະຣາເອນ​ຈະ​ບໍ່​ຕາຍ​ຈັກ​ໂຕ’ ”.

ເຫດສະນັ້ນ ມື້​ອື່ນ​ໃນ​ເວລາ​ດຽວ​ກັນ​ນີ້ ເຮົາ​ຈະ​ສົ່ງ​ພະຍຸ​ໝາກເຫັບ​ທີ່​ຮ້າຍແຮງ​ທີ່ສຸດ​ມາ​ກະໜ່ຳ​ເອຢິບ ເຊິ່ງ​ບໍ່​ເຄີຍ​ມີ​ມາ​ກ່ອນ, ນັບ​ຕັ້ງແຕ່​ມື້​ສ້າງຕັ້ງ​ປະເທດ​ມາ​ຈົນ​ເຖິງ​ດຽວນີ້. ບັດນີ້ ຈົ່ງ​ສັ່ງ​ໃຫ້​ນໍາ​ສັດລ້ຽງ ແລະ ທຸກສິ່ງ​ທີ່​ເຈົ້າ​ມີ​ຢູ່​ທົ່ງນາ​ນັ້ນ​ເຂົ້າ​ທີ່​ບ່ອນ​ກຳບັງ, ເພາະວ່າ​ໝາກເຫັບ​ຈະ​ຕົກ​ຖືກ​ທຸກ​ຄົນ ແລະ ສັດ​ທີ່​ບໍ່​ໄດ້​ຖືກ​ນໍາ​ເຂົ້າ​ໄປ​ທາງໃນ ແລະ ຍັງ​ຢູ່​ໃນ​ທົ່ງນາ ແລະ ສັດ​ເຫລົ່ານັ້ນ​ຈະ​ຕາຍ’ ”.

ຂີ້ເຖົ່າ​ນັ້ນ​ຈະ​ກາຍເປັນ​ຝຸ່ນ​ລະອຽດ​ທົ່ວ​ດິນແດນ​ເອຢິບ, ແລ້ວ​ຝີ​ທີ່​ເປັນ​ໜອງ​ຈະ​ແຕກ​ແຜ່​ລາມ​ຕາມ​ຕົວ​ຂອງ​ຄົນ ແລະ ສັດ​ທົ່ວ​ແຜ່ນດິນ”. ດັ່ງນັ້ນ ພວກເພິ່ນ​ຈຶ່ງ​ກຳ​ເອົາ​ຂີ້ເຖົ່າ​ຈາກ​ເຕົາ​ແລ້ວ​ໄປ​ຢືນ​ຢູ່​ຕໍ່ໜ້າ​ຟາໂຣ. ໂມເຊ​ກໍ​ໄດ້​ຫວ່ານ​ຂີ້ເຖົ່າ​ນັ້ນ​ຂຶ້ນ​ໃນ​ອາກາດ, ແລ້ວ​ຝີ​ທີ່​ເປັນ​ໜອງ​ກໍ​ແຕກ​ລາມ​ຕາມ​ຕົວ​ຂອງ​ຄົນ ແລະ ສັດ.