Populaire Bijbelverzen uit रोमी 10

Delen

हुगो झ्‍यीनी रङ्‌गी खनी येशु ङे चोव ज्‍यीन्‍दक् हीन् सीन्‍न धङ् ॱसीम् दीनी यङ् को़न्‍ज्‍योक्‍की खोङ् ढोङ्‌नरे ॱसनेनी ॱसोम्‍बुल ॱलोङ बेत् सीरल छ्‌य स्‍यक्‍न युङ्‌न ॱनी, हस्‍सो़त् रङ् थर्न तेङ् यी़ल ॱलीक्‍केन् बेत्।

ॱनम्‍बर् धक्‍प थो़न्‍ज्‍येल छ्‌य दी ॱसीम्‍बे यीक्‍नी स्‍यक्‍न युङ् गोगेन् बेत्। ॱनी छी थर्व युङल हुगो खनी छीक्‍टल सीन्‍न युङ् गोगेन् बेत्।

ख्रीष्‍ट्‌की ढीक्‍की केच्‍च्‍य ॱस्‍येत्‍नी क, हस्‍सो़त् ॱह घोगेन् बेत्। ॱनी ॱह घोनी क, हस्‍सो़त् ॱह घोवे केच्‍च्‍य दील छ्‌य स्‍योक्‍केन् बेत्।

हीगी ढीक्‍ल ॱसुङ्‌रप्‍ल थो़ङ्‌गेन् बेत्। ॱसी़ खोङ्‌ल छ्‌य स्‍योक्‍कुक्‍क हुगो ॱने फम्‍ब मीत् युङ्‌गेन् बेत् सीर थो़ङ्‌गेन् बेत्। हील दम्‍ङीत् मीत् युङ्‌गेन् बेत्। यहुदीरङ् हीन्, ज्‍यी़त् ॱयोङ्‌गी मीरङ् हीन्‍न अक्, हुगो च्‍यीक्‍प युङ्‌गेन् बेत्। घन्‍ड हीन् सीन्‍न छङ्‌म थम्‍ज्‍येक्‍की चोव ज्‍यीन्‍दक् दी खोङ् च्‍यीक्‍पुरङ् बेत्। खोङ् ॱसी़ डेन् ज्‍यक्‍कुक्‍क हुगोल खोङ्‌गी नोर्की लोङ्‌ज्‍यो़त्‍ल पीब ॱनङ्‌गेन् बेत्। हीगोल पीब ॱसुङ्‌रप्‍ल मी ॱसी़ चोव ज्‍यीन्‍दक्‍की छेन् डेन् ज्‍यक्‍कुक्‍क हुगो छी थर्वल थो़ङ्‌गेन् बेत् सीर थो़ङ्‌गेन् बेत्।

केच्‍च्‍य ॱस्‍यो़क्‍केन् दीरङ् ॱमत् तङे, ॱसु दीगी ॱस्‍यो़क्‍केन्? हीगी ढीक्‍ल ॱसुङ्‌रप्‍ल केच्‍च्‍य ॱनेम्‍बु ॱस्‍यो़त्‍तु कङ्‌ब चुन युङ्‌गेङ्‌गी मी घयेत् घन्‍डे गा आ सीर थो़ङ्‌गेन् बेत्।

ॱनी म दी खोङ्‌ल छ्‌य दीरङ् स्‍योक्‍च्‍ये ॱमत् ॱनोङ्‌न ॱनी, घन्‍दुक् झ्‍यीन खोङ् डेन् ज्‍यक् छुगेन्? खोङ्‌गी ढीक्‍की केच्‍च्‍य दीरङ् ॱह मत् घोवे, घन्‍दुक् झ्‍यीन खोङ्‌ल छ्‌य स्‍योक् छुगेन्? ॱनी केच्‍च्‍य ॱस्‍यो़क्‍केन् दीरङ् मीत्‍न ॱनी, घन्‍दुक् झ्‍यीन ॱह घोगेन्?

ख्रीष्‍ट्‌ल छ्‌य स्‍योक्‍केन् घयेत्‍रङ् को़न्‍ज्‍योक्‍की ॱनम्‍बर् धक्‍पल तो़ङ्‌गेन् बेत्। ॱनी छ्‌यो़डीम्‍गी स्‍युक् छङ्‌म डुप्‍केन् दी खोङ्‌जो बेत्।