Populaire Bijbelverzen uit YUHANI 15

Delen

Wami ɗe umuzaɓiɓu, wanyu ɗe yamarahi. Mutru aɓakio hari mwa uv̄umoja na wami, na wami niɓakio hari mwa uv̄umoja na waye, uwo uv̄inga mavuna mengi. Mana neka tsi na wami, kamushindri ufanya itsokao yotsi.

Namuɓaki hari mwa uv̄umoja na wami, na wami nitsoɓaki hari mwa uv̄umoja na wanyu. Mauri ɗe inamuna trahi kalishindri ladza mavuna ha iwalo yalo neka kalaɓaki hari mwa likoho la umuzaɓiɓu, ɗe ha inamuna iyo tsena wanyu, neka kamusuɓaki hari mwa uv̄umoja na wami.

Neka musuɓaki hari mwa uv̄umoja na wami, na marongozi yangu yasuɓaki moni hanyu, namumiye yotsi mutsahao, na wiyo mutsotakaɓaliwayo.

Wanyu tsi ɗe mwanitsahua, ɓadi wami ɗe namutsahuani, tsena namuhetsini mwendre muv̄inge mavuna, na mavuna yanyu yaẽshi, pare trongo yotsi mutsomumiao Ɓaɓa ha lidzina langu, amutakaɓaliyeniyo.

Kav̄u uv̄endza muɓole rahana mutru uv̄a uhayati wahe ha siɓaɓu ya wandzani wahe.

Kula trahi hanguju kalisudza mavuna, waye ulitoa, na kula lidzao mavuna, waye uliav̄usa, pare lizidi udza.

Tsini iãmuri yangu: namuv̄endzane wanyu na wanyu, mauri ɗe inamuna namuv̄endzani.

Tsini itrongo iv̄ingao utukufu ha Ɓaɓangu, ɗe wanyu uv̄inga mavuna ha uwengi, na v̄av̄o mutsodhiɓitisha amba wanyu maswihaɓa yangu.

«Wami ɗe umuzaɓiɓu wa kweli, na Ɓaɓangu ɗe umulimizi.

Neka mutru kasuɓaki hari mwa uv̄umoja na wami, waye ulatswa v̄ondze mauri ɗe litrahi, na lilo uhuma; amwesa yamarahi yao ungulidziwa, uvutswa moroju yavudzwa.

Tsimuambiani trongo zini, ile pare furaha yangu ike hanyuju, na furaha yanyu ikamilishihe.

Neka musutuĩ ãmuri zangu, mutsoɓaki hari mwa uv̄endza yangu, mauri ɗe inamuna natuĩ ziãmuri za Ɓaɓangu, tsena niɓakio hari mwa uv̄endza yahe.

Trongo nimuãmurishaoni, ɗe wanyu uv̄endzana.»

Na djeli muka wa lidunia, lidunia latsomuv̄endzani amba wa wilo. Na wanyu tsi wa lidunia, ɓadi tsimutsahuani hari mwa lidunia; iyo ɗe imana ata lidunia limuengaoni.