Populaire Bijbelverzen uit Mǒhtûlû̌hǎhtûsa 25

Delen

Dě Cǒmara tûjû̌pwa̤ hî̌shǔ lû̌û kû̌, “Dǒ nahǐphukûnu khlilèphû̌ gǔ ô̌htò̌ ginǐ̤cǒ pě, Khlilèphû̌nu ginǐ̤cǒnu, a gǔ htûhtò̌ pwa̤ tǎ̤ kè̌khîlû̌û pě, tôcǒ pě mî̌ dě a gǔ khû̌ǎshû̌shokhlo kû̌ dǒ ashǔshawa̤ tôcǒ pě, adû̌ tôpwa̤ gǔ htû apṳ̌jû̌ pě.”

Dě a hî̌ Khûya̤kò kû̌, “He sǎǎ sikè dî hǒ, dǐǎ mò̌ he na phôǎ kîbîphlǒlî̤ nutôbè.” Pô̤̌nukhû̌khî kòyò kaǎ pô̤̌ Khûětò̌ mi̤ kû̌ Khûedû. (Edû yô̤̌sǎyô̤̌mû mî̌ alî̤.)

PhaIsè̌ ama nî̌ a shôdôphû̌ akhû̌akhî, a kwicabahtò̌ bǎ ama aya dǒ Cǒmara tûjû̌pwa̤ a ô̌, dě Cǒmara tûjû̌pwa̤ ganǎ̤de lû̌û ta̤kwicaba dě ama Mǒ̤ribè̌kha mǒ̤dohtò̌.

Khûětò̌ hî̌shǔ lû̌û kû̌, “Ma̤mò̌, he sǎǎ sikè hǒ, he glè̌ si hǒ. Phû̌wè̤̌pwǎ̤ gûlǎ̤ tôkǔ mî̌ a nǐ̤bwǐsîrî dǒ heya mî̌titè?” Dě Khûya̤kò hî̌shǔ lû̌û kû̌, “Ǐsholò̤wǐ mò̌ nayô̤̌ khònò̤̌ kû̌ naphû̌wè̤̌pwǎ̤ agûlǎ̤ htû heta pô̤̌nu.” Ma̤hî̌nudě Khûětò̌ ǐsholò̤kè ayô̤̌ dě a shaǎlò̤kè aphû̌wè̤̌pwǎ̤ gûlǎ̤ kû̌ Khûya̤kò.

Awè̤̌ ô̌htò̌ dě apṳ̌ gû̌ pṳ̂̌měhtò̌ǐ awè̤̌ Khûětò̌ akhò̌tôněkò akhû̌akhî, kòyò kaǎ lû̌mi̤ kû̌ Khûya̤kò. Bǎ Mǒ̤ribè̌kha phû̌ô̌ asî sò̌ginǐ̤ akhanu, PhaIsè̌ něô̌ shisusô̌ hǒ. (Hebrǔyô̤̌ nu, Khûya̤kò yô̤̌sǎyô̤̌mû mî̌ khò̌tôněkò mè̤̌tô̤̌mî̌ lîmòǎ kòyòkhû̌.)

PhaIsè̌ ǎ bǎ aphû̌ Khûětò̌ ata̤mi̤ta̤mò̤̌ yî̌ akhû̌akhî, a mô̤ ǐ lû̌û, bǎbǎkǎlè Mǒ̤ribè̌kha hî̌dě a mô̤ǐ Khûya̤kò.