Populaire Bijbelverzen uit युहान्‍ना 21

Delen

हाङ् आक्‍खाचिऎ चाइखॆटुचि हाङ् येसुऎ सिमोन पाट्‌रुस लोसु, “युहान्‍नामि पासा सिमोन, माल् आनॆ काङा इघाचिऎ बाङ्‌स डिरिक नाम्‍नाम् पिस्‍सिङानॆ?” पाट्‌रुसऎ खो लोसु, “एमो पारभु, कॆ आना नाम्‍नाम् पिस्‍सिःॽना लोमॆ आनॆ लेकुना।” हाङ् येसुऎ खो लोसु, “मरहाङ्‌ग काम सामुङ्‌चि कुसॆचॆ।” हाङ् येसुऎ पाट्‌रुस होइक खेपा गरहाङ् सिमु, “युहान्‍नामि पासा सिमोन, माल् आनॆ काङा चाइबान नाम्‍नाम् पिस्‍सिङानॆ?” पाट्‌रुसऎ खो लोसु, “एमो पारभु, कॆ आना नाम्‍नाम् पिस्‍सिःॽना लोमॆ आनॆ लेकुना।” हाङ् येसुऎ खो लोसु, “मरहाङ्‌ग काम सामुङ्‌चि खाङाचॆ।” हाङ् येसुऎ होइक खेपा स पाट्‌रुस सिमु, “युहान्‍नामि पासा सिमोन, माल् आनॆ काङा नाम्‍नाम् पिस्‍सिङानॆ?” हाङ् येसुऎ होइखेपा स “आनॆ काङा नाम्‍नाम् पिस्‍सिङानॆ?” कामानुङ् सिम्‍मिम्‍पासॆ पाट्‌रुस चाइखॆटु हाङ् येसु लोसु, “पारभु, आनॆ चोप्‍ठका लेकुना हाङ् कॆ आना नाम्‍नाम् पिस्‍सिःॽना लोमॆ स लेकुना।” हाङ् येसुऎ खो लोसु, “मरहाङ्‌ग काम सामुङ्‌चि कुसॆचॆ।

चाइबान कॆ आना लोक्‍ना, आना वॆन्‍चा लॆटानार आम् चे आम् टाङ्‌पेॽन हिक्‍युक्‍सुना हाङ् हाम्‍पि खॆॽमा मिन्‍ना, आक्‍कुबि खॆःॽना। टर पासिङ् पिक्‍खॆना हाङ् चाइ आनॆ आम् हुक् खिङ्‌पकुना मसॆ होइकसॆ आम् हुक् कुरुसाबि हिःक्‍पि हाङ् आना हाम्‍पि खॆॽमा मिन्‍नानि याॽमिचिऎ आना आक्‍कुब्‍न लाखॆःमि।”

हाङ् खोसॆ आक्‍खाचि लोसुचि, “सिङ्‌खङ्‌मि चुप्‍ठिङ् पाट्‌टा जाला कगाम्‍नॆ हाङ् आन्‍नॆ ङा लाप्‍काम्‍नि।” हाङ् खोचिऎ सङ्‌क येसुऎ लोमिम्‍पा ठालबि जाला कगुचि। हाङ् आक्‍कुबि गर डिरिक् ङा सिट्‌टा, खोचिऎ जालान मासॆॽहिसुचि।

हाङ् सिमोन पाट्‌रुसऎ आक्‍खाचि लोसुचि, “काङा ङा लाप्‍सि खॆॽमॆ पाइङा।” हाङ् आक्‍खाचिऎ खो लोसुचि, “काङका स आनानुङ्‌न लङ्‌किङ्‌का।” हाङ् आक्‍खाचि खारामिहाङ् सिङ्‌खङ्‌पि ठाङामि। टर खोचिऎ सेन्‍सेन् पाइमार सङ्‌क एक्‍क स ङा मालाप्‍हिसुचि।