Populaire Bijbelverzen uit Genesi 35

Delen

Ãcõrẽba mãwã trʌ̃ b̶ʌped̶a jarasia: –Mʌ̃ra ne jũma poya b̶ʌ Ãcõrẽa. Warrada zocãrã yõdua. Bʌd̶eba puruda zocãrã yõnia. Idjab̶a bʌd̶eba ẽberãrã bororãda yõnia. Mʌ̃a naʌ̃ druara Abrahaʌ̃a, Isaa bid̶a diasia. Idjab̶a mʌ̃a bʌ́a, bʌd̶eba yõbʌdarãa bid̶a diaya.

Maʌ̃bebʌrʌ Beteld̶aa wãnia. Mama mʌ̃a mõgarada pã bueya Ãcõrẽa bia bed̶eai carea. Mʌ̃ nẽbʌrad̶e b̶asid̶e idjia mʌ̃ra carebasia idjab̶a mʌ̃ wãbʌrʌza mʌ̃ ume b̶abaria.

Jacobo Padan-Araʌ̃ druad̶eba jẽda zesi ewarid̶e Ãcõrẽra idjimaa waya zesia. Maʌ̃ ewarid̶e Ãcõrẽba idjira nãwã bia jara b̶ʌsia: –Bʌ trʌ̃ra Jacobo abadaa baribʌrʌ bʌra waa Jacobo ad̶aẽ́a. Ãtebʌrʌ bʌ trʌ̃ra Israel ad̶ia.– Mãwã Ãcõrẽba Jacobora trʌ̃ b̶ʌsia Israel.

Ara maʌ̃da Jacoboba idji ẽberãrãa, waabema idji ume duanʌ́a bid̶a jarasia: –Bãrãba jʌwaba od̶a ãcõrẽda eropanʌbʌrʌ, jũma b̶atacuad̶adua. Maʌ̃be cuid̶aped̶a cacuad̶e jʌ̃bada tãtod̶ada jʌ̃nadua Ãcõrẽ quĩrãpita bia b̶ead̶i carea.

Mãwãnacarea Ãcõrẽba Jacoboa jarasia: –Piradrʌped̶a Beteld̶aa b̶ad̶e wãdua, bʌ djaba Esaú wayaad̶eba mĩrũ wãsid̶e mʌ̃ bʌma odjad̶amaa. Mama mõgarada pã buedua mʌ̃́a bia bed̶eai carea.

Baribʌrʌ Raquelera beubʌrʌ basía. Wad̶i beui naẽna idji warrara trʌ̃ b̶ʌsia Benoní. Baribʌrʌ Jacoboba trʌ̃ b̶ʌsia Benjamiʌ̃.