Populaire Bijbelverzen uit Johanes 14

Delen

Mandri na gmeher ndro mu, io gdaui mandri ordo gle bergolmu, aga memrad ordo le ndro mu. Io de hengen de la ndro mu, dege su gor masi bui. Mbue bergolmu i noh, mbue meluamu gu ieb.

Jesu i bodeie: Io sal monen ndangen, io ndoui le dogi ri. Homo de meher de la ndro Bo Domo bui, io ge, io gdulieni i.

Mbue mu go noh, ir belengen Jehova, ir belengeni io.

I ge, Meluan Helian, ndremda sobani mu, Bo Domo beg rendegien i gle ngoro, i ghenunuen mu le longu masigane, i ghengen le ndro mu, danmu hanguruen nongen ordo masigane, io da gin bai le ndro mu.

Ar homo hirong nongen ordo, i ghinen i, i ogo i golnisden io. Ar homo golnisden io, Bo Domo lie golnisden i, ma io, io golnisden i, beg boharni longu ordo.

Boen io ge ndemani Bo Domo i grendegien homo le ndro mu, i da baghege ndro mu sidegesi. I ogo, Meluan Helian, Meluan ndangen ge. Su gor masi de dansu ibdi i bui. Begmarsu bui, de dansu ilndri hebsa bui. Mu ge, danmu i, i da ge ndro mu, i da le bergolmu.

Io gal ndro Bo Domo, boen io ghengen le ndro mu longu masigane mu da soling gle ngoro. Mu gabmugueni Bo Domo gleri. Ar mu soling le longu hendre gle ngoro, io ghengen i le ndro mu.

Ar golmugisden io, delengamu le nongen ordo.

Um mabosanged su da le gor ad Bo Domo, be aga i de ndangen bui, io grong le ndro mu, io gal gor, beg mengseni su um le ndro mu.

Be io gineao gane, le bo mburer leri, io gmul, io grui mu masi me ndro io. Io ha lengi mu masi mu da le logna ordo.

Tomas i vong le ndro i: Ndorlaben, dandu i bui, uo gal oho? De dandu sal adem hi derbe?