Populaire Bijbelverzen uit 1 Hteˉsaˍlawˉniˆ 4

Delen

Hingˉ nawngˍ veu, a sak teˍ yaˍ suing ngaeˉ gu uiˉ aˍ, buingˍ htaˍ veu Ang suingˉ Yeˍsuˆ na myangˉ lang naeˉ uiˉ saˍ laiˍ, changˉ hingˉ uiˉ kawngˉ htuˍ yaˍ laˉ mae buingˍ hkaiˍ ca naeˉ veu gu na chi ta laeˍ laˍ naeˍ yaˇ. Haeˉ mae yao, Ang suingˉ Yeˍsuˆ kawngˉ gu htuˍ yaˍ laˉ mae ya ca naeˉ uiˉ yaˇ.

Ang suingˉ Yeˍsuˆ nawˍ, buingˍ htaˍ veu ca yao lungˍ luiˍ laeˍ naeˍ hingˉ nyamˍ veu, kaˍ haengˍ nae haoˉ naeˉ uiˉ ang tangˍ na ya kyaˍ naeˍ yaˇ. Ningˉ htaˍ veu muiˉ, buingˍ htaˍ naiˍ htangˍ ang huiˍ htiˍ hu beu ang tangˍ nae Hpaˍcaoˍ beu taˍ boˉ hkeu naeˉ ang tangˍ muiˍ buingˉ laˉ naeˉ yaˇ. Haeˉ mae beu, Hkrit hkaoˍ veu siˉ peunˉ jiˉ changˉ hingˉ uiˉ kaˉ huˍ veu teˍ laˉ laeˍ naeˍ yaˇ.

Aˉ mae yao nae baoˉ vaˍ, nawng ya seungˍ ya sangˉ naeˉ uiˉ saˍ laiˍ, ningˉ ngaˍ Hpaˍcaoˍ beu a loˍ capˆ naeˉ yaˇ. Hingˉ pa nae, suˉ yaˍ linˉ yaˍ lang naeˉ ningˉ uiˉ ceuˉ na hpaeˉ taw yao ca voˍ. Nawng hkaˉ hko laˉ hko seungˍ naeˍ sangˉ naeˉ maenˍ nae mang naeˉ uiˉ hkaoˉ veu aˍ sangˍ yang beu hkaˍ ba na maenˍ nae yuˉ yao ca voˍ.

Aˉ mae yao nae baoˉ vaˍ, Yeˍsuˆ siˉ yao teˍ laˉ laeˍ jiˍ na gu ang yumˉ yaˇ. Hingˉ pa nae, yang teˍ laˉ laeˍ jiˍ lawˉ, Hpaˍcaoˍ nawˍ Yeˍsuˆ na cuˉ naeˉ hkaoˉ veu, siˉ peunˉ jiˉ changˉ uiˉ na yang kawngˉ htuˍ yaˍ laˉ mae suiˍ yao laˉ laeˍ naeˍ yaˇ.

Ningˉ htaˍ veu muiˉ, ang ngiˉ kaˉ seu ca naeˉ uiˉ changˉ htiˍ baˍ nawng na nuing ba capˆ naeˉ uiˉ saˍ laiˍ nae nawng changˉ uiˉ na htiˍ hu nae muiˉ baˍ ya cuˉ naeˉ uiˉ saˍ laiˍ, gu nawng na hkai nga laˍ jiˍ lawˉ, a chuiˉ nae ca yao, aˍ sangˍ yang ang to aˍ sangˍ yang beu kanˉ na vaˍ naeˍ uiˉ saˍ laiˍ nawng na kaˍ piˍ laˍ naeˍ yaˇ.

Baˍ seungˍ baˍ sangˍ nae uiˉ changˉ hpeuˍ naeˍ uiˉ saˍ laiˍ gu na Hpaˍcaoˍ haoˉ yuˉ laˍ jiˍ baˍ aˍ. Changˉ ang seungˍ ang sangˉ hpeuˍ laˍ naeˉ uiˉ saˍ laiˍ yang haoˉ yuˉ laˍ jiˍ yaˇ.