Populaire Bijbelverzen uit Munra ta Rom 3

Delen

Ape me ganganor nol wa we valuava nan naleŋasin God. Nava me veveg wasawasa ineira mun o sogov mamasa o manigiu o ulsag we toga alo i Christ Jesus

Naliŋan God nake we taniniga, mun o nomtup apen i Jesus Christ, mun rasei nol, wa avunarasei nol we nomtupua; ape gate map seasea ilo.

God me map lue ineia ti o tano magarosa, o manigiu o nomtup, mun nanarana; si a gaganag lue naliŋana kel we taniniga, mun we nomvitag o ganganor ilone me ge ti we tuai, alo liŋe lolomalumlum non God; sin gaganag lue naliŋara we taniniga alo masaoi nake iloke; o manigiu si ineia te taniniga mona, wa te ge taniniga i gene we talo nomtup apen i Jesus.

Ape mun o gagapalag ŋaŋ talo lea tete veveg taniniga lai o visogoi tea alo nagona. Ape o manigiu o lea te gilala lai o ganganor.

Tama me rave veta si, Gate tanun taniniga apena, si ta tuwale; Gate isei we matanur, gate isei we sike God; Ineira nol me lil veta, ineira me sasawuara saratuwale; I tagai ran we gagapalag we wia, tagai ran tuwale

Ape nina we nom mot si te ge taniniga o tanun mun o nomtup, asau nan o gagapalag ŋaŋ talo lea.

Nipea ran nane; God te nun ran, wa val tanun ni qeteg galegale; tama me rave veta ti si, Te nonom ape iniko si we taniniga alo nom o vavae ŋaŋ, Wa ko te lalakete alo we vevegiko.