Populaire Bijbelverzen uit Откровение 21

Delen

Қуниңиҳлъықӣ қамахлъюки. Туқуңӣлъықа̄, қивӷуңӣлъықа̄, қияңӣлъықа̄, талўа ақниҳқыңъӣлъықа̄ қаюҳлъяк тама̄кут атуқсяқаңит атуқнаниҳлъықӣт».

Та̄хкын умӣлгусигнилңуқ ақумутагни пӣқ: «Ысҳақаҳқиқун, улима̄қанка сяңўа̄т қамахтыңъўа̄ӷлюки нутаӷа̄люки!» Хўатынлъю пӣқ: «Игақики тама̄кут а̄пқанка лъпынун қаюҳлъяк тама̄кут акузитыт ипаңӯт, ухпықсяҳқа̄гутлъю».

Нагақуӷақа ма игляхтупихлъыҳӣ умӣлгусигның ақумутагның пилӷӣ: «Ысҳақаҳуқун, Кияӷныӷым кияҳфига югнитуқ! Кияҳфикылъықӣ ынка̄м лъңит юкылъықӣ. Кияӷнық лъңа катам лъңитнилъықуқ ынка̄м лъңа Кияӷнықылъықа̄т.

Пӣңалъю: «Апыӷӣҳтуқ! Хўаңа Альфаңӯңа, Омегаңӯңа, хўаңа пӣнлыӷӯңа, кынлыңӯңа. Кина алңунак мықсюлӷӣ, акиңуна̄н мыҳсилъықақа сыңъулӷӣмың уңувалъыңыстикаюгмың мыӷмың.

Китум алңунак кая̄лъқӣлӷӣм алъхыҳлъықӣ тама̄кут хўаңамның. Кияӷнықылъықа̄тңа ынка̄м лъңит авақутақылъықанка.

Иўырңа тама̄кут қуюҳталӷӣт, ухпықилъҳилңӯт, сыӷлылъыҳпигаӷның сыӷлыҳқылӷӣт, юхтаҳтыт, ныңуҳтыхпынатың атуқулъҳӣт, алигналӷӣт, манигӯткаюгыт кияӷныңлъяқанун, қамахлъютыңлъю иқлъыңалӷӣт, ныкаҳқа̄т на̄йва̄гуқ кумаӷулӷӣ кыныӷмыңлъю, уқумьякмыңлъю. Та̄наңӯқ тӯңлӣ туқулъҳым».

Та̄хкын ысҳаӷахка қиляграӷақлъю, нунаӷраӷақлъю. Қиляксюхўа̄ӷӣсима̄қ, нунаксюхўа̄ӷӣсима̄қ, кылъӣңӣтка̄гуқлъю.

Ысҳаӷақалъю Аглыӷналӷӣ Ныҳлъяк, Иерусалимыӷраӷақ, укилӷӣ Кияӷныӷмың қилягмылңуӷмың. Ныҳлъяк ята̄ҳқылъюни угӣӷнақылӷӣм улъңақылъҳатун угиминун.

Ныҳлъяк сиқиныҳсюӷнӣтуқ, налиӷмың танқиҳсюӷнӣтуқ ниӷухкамың, қаюҳлъяк ниӷуҳқылъҳа Кияӷныӷым ниӷукыхкаңа, Пынъӣӷаҳақлъю кынылӷутақыхкаңа. Қамахтыңъўа̄ӷлютың нунам юги кияҳлъықут ниӷугакун кӯкхутңалӷӣкун. Нунамлъю умӣлгита аклъюңитың тагиқӯтӣт ныҳлъягмун.