Populaire Bijbelverzen uit Откровение 16

Delen

Атанық пӣқ: «Нагатаҳтык! Тагиңӯңа тыглыгнӣҳтытун! Қуянаҳтуқ тыҳумалӷӣ, а̄ткани пӣфтыңъўа̄ӷлюки аюқыхкаңи. Ынка̄м иглыҳна̄нӷитуқ амсикаӷми, кайңусяӷа̄нъа̄нӷитуқлъю тысқагани югыт ысҳақумыхтыху!»

Аӷвинлӣтаңита яқулгым сягныни кӯва̄ кӣўлъягыгнун Евфратыгнун. Кӣўык патыҳтук ята̄ҳқунъалюки тӯмкаҳқамың умӣлгыт тагилӷӣт асиваӷмың.

Та̄кут туӷныӷа̄т алъя̄ҳлъюхўаҳтикаюгуфтут. Аӷуляқут умӣлгитнун нунатаҳа̄н тамаҳа̄н қырңуҳналюки пилъюўамун аӷныҳлъягани Кияӷныӷым Аҳтуӷьяҳқаҳа̄нӷилңӯм.

Та̄хкын ысҳаӷанка пиңают нукыхналӷӣт туӷныӷа̄т ўамынгусюгнилңӯт. А̄нут қа̄нӷитның драконым, тыӷикусялъю̄гым, ӯкналиқистысиӷўа̄ӷымлъю.

Сиқинӷым угуқнаҳлъяган паныҳтыстӣ югыт. Ынка̄м сяңӯҳтыҳлъяга̄т а̄тҳа Кияӷныӷым, иглыӷутистыңутаңаның тама̄вык сыӷлылӣлъыҳлъягнун. Авутыҳқынӷитутлъю, усюқынӷита̄тлъю Кияӷныӷым а̄ңылъыҳлъяга.

Ынка̄м сивулӣм яқулгым сягныни кӯвьяҳтуӷа̄ нунамун. Та̄хкын сыӷлыпыста̄ҳлъягыт ақниӷнапихлъыҳӣт пупигыт пӣтқӯтут налъюнӣлъыңыхканун тыӷикусялъю̄гмың. Тама̄куңӯт манигӯткат наңаӷныӷанун.

Та̄хкын туӷныӷа̄т қырңуҳтӣт умӣлгыт Армагеддонымун. Таўатын Еврейлъимистун атилъҳа аюқуқ.