Populaire Bijbelverzen uit Откровение 12

Delen

Ухпықа̄лгутымта кая̄лъқума̄т а̄ўакун Пынъӣӷаҳа̄м, уңипақылъыӷмыхтыхунлъю Кияӷныӷым ипапиҳқылъҳа. Талўа туқуяӷңа̄ӷмың аюқут Христос апалъюқлъюку.

Та̄хкын нагақуӷақа ма игляхтулюни қилягмың пилӷӣ: «Хўа̄ ка̄сима̄т Кияӷныӷым югулиӷилъҳа, аҳтуӷьяҳқа̄нӷилъҳа, атаныҳпагулъҳалъю, Христосыңанлъю аҳтуӷьяҳқа̄нӷилъҳа. Сялин Туӷныӷақ милю̄тылъҳилъюку қилягмың, аӷныҳтӯма̄н унухтӯма̄н анахутңанӣқӣ ухпықа̄лгутыпут Кияӷныӷмун.

Қилягмың милю̄та̄т драконыҳлъяк. (Ныӷиҳталюк нымыӷьяқ а̄тҳа Туӷныӷақ, налиӷмың Туӷныӷақ, пӯҳқуҳтыңа нунам юган.) Милю̄та̄т нунамун яқулыхтӯма̄н.

Ынка̄м қамахлъюси кияҳлъыҳӣни қилягми, қуятыҳлъяхтык! Иўырңа сыӷлыӷўа̄ӷунақңӯси нунамылңуӷнилъю, кылъӣнилңуӷнилъю! Туӷныӷа̄м укигвикумӣси, сякшитыҳлъягӯқ қаюҳлъяк лӣсимака̄ пилъыҳқӣӷусяҳтуҳтуқ».

Та̄хкын қилягми пилъюгутут. Михаилымлъю яқулъкулъҳӣт пилъюўаӷа̄т дракон. Драконымлъю яқулъкулъҳӣт пилъюўаӷӣт Михаилылъю яқулъкулъҳӣт

Та̄хкын драконым угумиягутыҳлъяглюку аӷнақ, ынка̄м пилъюўаӷьяҳтуӷӣ қамахлъюки иляңи киңунӷи. Тама̄куңӯт қа̄ткутңалӷӣт Кияӷныӷым қылӷусӣтнун, ата̄сӣӷмылңӯтлъю ипалъыӷмун апыҳтӯсяқыхка̄нун Иисусым.

Та̄хкын қилягами сяңўа̄ сяӷӣӷанапихлъыҳӣ алӣҳтуқ лӣгикусиҳқаҳпут пияҳқамун: Аӷнақ пилюгуглюни сиқиныӷмың, итыгӣ танқикун ныкыхлъютың, на̄сқумикун қаҳпалюни қуля ма̄лӷук сӣпнықлъюку иӷалықыта̄ӷның. Қумилгуфтуқ, иӷниюгым ақниҳқылъюку лъӣӷа̄, а̄нақылъҳан таӷнуҳа̄м араҳқа̄.

Аӷнақ иӷныңуқ, иглыӷусяҳқӣ қамахтыңъўа̄ӷлюки нунам юги сявикынӷаӷмың анагуталиӷлюни. Иўырңа аӷнам таӷнуҳа̄ акуқаӷлюку агля̄та̄т Кияӷныӷмун, умӣлгусихкынунлъю ақумутагнун. Аӷнақ қимахтуқ килга̄нун. Тама̄ни Кияӷныӷым ята̄ҳқуткақыхкаңа ныкаҳқамың, афлъыңаксяҳқақыхкаңат 1,260 аӷныӷыт.

Та̄хкын қилягами сяңўа̄ иляңа сяӷӣӷанапихлъыҳӣ алӣҳтуқ лӣгикусиҳқаҳпут апыӷӣӷнақылӷӣмун: Та̄ўа кавилңуқ драконыҳлъяк, ма̄ӷраӷвинлык на̄сқулык, қуля сиӷунылык, ынка̄м қамахлъютың на̄сқўа қаҳпалгутутыфтут. Папыгминың сяқипхутӣ нунамун пиңаюҳқылъҳи қилягам иӷалықыта̄ӷи. Та̄хкын дракон ныкывыхкақ мануңакун аӷнам ныӷналюку таӷнуҳа̄ иӷнӣӷыснақагу.

Иўырңа аӷнақ тӯныхка̄т қаўа̄хпагрухлъягым яқухкының тыңа̄сқылъюку килга̄нун. Тама̄ни пақнӣлъықуқ нымыӷьямың, афлъыңакылъықа̄тлъю пиңают аюмиқулъҳыт, аӷвинлык танқит илялъюки. Та̄хкын нымыӷьям уӷью̄та̄ мық кӣўыстун аюқылӷӣ аӷнақ ма̄қутысқылъюку. Иўырңа нунам каюсӣта̄ аӷнақ. Нунам агитаӷулъюку тӯфта̄ мыҳлъяк драконым уӷью̄тка̄.