Populaire Bijbelverzen uit မၢတ်ႈထႄႇ 18

Delen

လွင်ႈ​မၼ်း​ၸမ်ႉ တီႈ​လႂ်​တၼ်း​လႂ်​သေ​ဢမ်ႇ​ဝႃႈ၊ ပေႃး​ၵူၼ်း သွင်​ၵေႃႉ​သၢမ်​ၵေႃႉ ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ ၸူႉ​ၵၼ်​တုမ်​ၵၼ်​ၸိုင်၊ ၵဝ်​မီး​ယူႇ​ၵႃႈ​ၼႂ်း​ၵၢင်​ၶဝ်​ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

လႆႈ​သမ်ႉ ၵဝ်​ဝႃႈ​တီႈ​သူ​ထႅင်ႈ​ၵမ်း​ၼိုင်ႈ​ၸမ်ႉ၊ ၼႂ်း​သူ ပေႃး​သွင်​ၵေႃႉ​ၸႂ်​မိူၼ်​ၵၼ်​ၵႃႈ​ၼိူဝ်​လိၼ်​မိူင်း​ၼႆႉ​ၼႂ်း​လွင်ႈ​တၢင်း​ဢၼ် ၶဝ်​တၵ်း​ယွၼ်း​ဢဝ်​သေ​ၸိူဝ်ႉ​သေ​ပိူင်​ၼၼ်ႉ​ၸိုင်၊ ပေႃႈ​ၵဝ်​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ တၵ်း​ပၼ်​တီႈ​ၶဝ်​ဢေႃႈ။

မၼ်း​ၸဝ်ႈ​ႁွင်ႉ​ဢဝ်​လုၵ်ႈ​ဢွၼ်ႇ​ၵေႃႉ​ၼိုင်ႈ​မႃး​လႄႈ ဝႆႉ​ၵႃႈ​ၼႂ်း​ၵၢင်​ၶဝ်​ယဝ်ႉ​ၸင်ႇ လၢတ်ႈ​လႄႈ​ဝႃႈ၊- ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ပေႃး​သူ​ဢမ်ႇ​ၶၢႆႉ​ပုတ်ႈ​သေ​လႄႈ ပဵၼ်​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ၼႆႉ​ၸိုင်၊ သူ​ဢမ်ႇ​လႆႈ​ၶဝ်ႈ​ၵႃႈ​ၼႂ်း​မိူင်း​ၵၢင်​ႁၢဝ်​ၸဝ်ႈ​ၼၼ်ႉ။

ပိူဝ်ႈ​ၼႆ​လႄႈ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ၶျႃး​တႅမ်ႇ​တူဝ်​ၸဝ်ႈ​ၵဝ်ႇ​ၸိူဝ်ႉ​ၼင်ႇ​လုၵ်ႈ​ဢွၼ်ႇ​ၼႆႉ​ၼၼ်ႉ၊ ၵေႃႉ​ၼၼ်ႉ​တၵ်း​ပဵၼ်​ၵေႃႉ​ဢၼ်​ယႂ်ႇ​မျၢတ်ႈ​ၼႃႇ​သေ​ပိူၼ်ႈ ၵႃႈ​ၼႂ်း​မိူင်း​ၵၢင်​ႁၢဝ်​ၸဝ်ႈ​ဢေႃႈ။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ ႁပ်ႉ​တုင်း​ဢဝ်​လုၵ်ႈ​ဢွၼ်ႇ​ၸိူဝ်ႉ​ၼင်ႇ​ၼႆ​သေ​ၵေႃႉ​သေ​ၵူၼ်း​ၼၼ်ႉ၊ ၵေႃႉ​ၼၼ်ႉ ႁပ်ႉ​တုင်း​ဢဝ်​ၵဝ်​ဢေႃႈ။

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵႃႈ​ဢၼ်​သူ​မတ်ႉ​ၽုၵ်ႇ​ဝႆႉ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ တၵ်း​မတ်ႉ​ၽုၵ်ႇ​ဝႆႉ​ယူႇ ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ၵႃႈ​ဢၼ်​သူ ပွႆႇ​လွတ်ႈ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ တၵ်း​ပွႆႇ​လွတ်ႈ​ယူႇ ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။

မိူၼ်​ၼင်ႇ​ၼၼ် ပေႃး​သူ​ဢမ်ႇ​ပႃး​ႁူဝ်​ၸႂ်​သေ​လႄႈ ပွႆႇ​လွတ်ႈ​ဢပႅတ်ႈ​တီႈ​ပီႈ​ၼွင်ႉ​ၵၼ် ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼၼ်ႉ​ၸိုင်၊ ပေႃႈ​ၵဝ်​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ တၵ်း​ၸီႇ​ယၢင်ႇ​သူ​ၸိူဝ်ႉ​ၼင်ႇ​ၼၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁႂ်ႈ​လုၵ်ႈ​ဢွၼ်ႇ​ဢၼ်​ယုမ်ႇ​မၢတ်ႈ​ၵဝ်​သေ​ၵေႃႉ​သေ​ၵူၼ်း​ၼႆႉ ၶီႈ​လိုတ်း​လႄႈ​လူမ်ႉ​ၼၼ်ႉ၊ တီႈ​ၵေႃႉ​ၼၼ်ႉ၊ ပေႃး​မၼ်း​လႆႈ​ၶၢမ်ႇ​တၢင်း​ဢၼ် ဢဝ်​မၢၵ်ႇ​ႁိၼ်​လူၺ်​ႁွႆႈ​သႂ်ႇ​ၵႃႈ​တီႈ​ၶေႃႈ​သေ​လႄႈ ပွႆႇ​ၸူမ်​လူင်း​ၵႃႈ​ၼႂ်း​ၼမ်ႉ​ပၢင်ႇ​လၢႆႇ တီႈ​ဢၼ်​လိုၵ်ႉ​ၼၼ်ႉ​ၸိုင်၊ ယဵင်ႈ​ၶႅၼ်း​တၵ်း​လီ​ဢေႃႈ။

သူ​ထၢင်ႇ​ၸိူဝ်ႉ​ၼင်ႇ​ႁိုဝ်။ တီႈ​ၵေႃႉ​ဢၼ်​မီး​သူဝ်း​ပၢၵ်ႇ​ၼိုင်ႈ​ၼၼ်ႉ၊ ပေႃး​တူဝ်​ၼိုင်ႈ​ၽိတ်း​တၢင်း​လႄႈ​ႁၢႆ​ၵႂႃႇ​ၸိုင်၊ မၼ်း​ၸၢင်ႈ​ဢဝ်​သူဝ်း​ၵဝ်ႈ​သိပ်း​ပၢႆ​ၵဝ်ႈ​တူဝ် ဝႆႉ​ၵႃႈ​ၼိူဝ်​လွႆ​ယဝ်ႉ​ၸင်ႇ၊ ၵႂႃႇ​ႁႃ​သူဝ်း​ဢၼ်​ၽိတ်း​တၢင်း​လႄႈ​ႁၢႆ​ၵႂႃႇ တူဝ်​ၼိုင်ႈ​ၼၼ်ႉ ဢမ်ႇ​ၸႂ်ႈ​ႁိုဝ်။