Populaire Bijbelverzen uit KARARIADI 18

Delen

Apa mborong pia ko ta makoa su MAWU? Kere ko seng Daku niul᷊i kanini, sio wul᷊ang l᷊ai Ia sarung musul᷊e sarang i'i. Dang su tempo e'e i Sara sarung mahinding ana ko ese.”

Watu'u e'e i Sara kal᷊igheinge su l᷊al᷊ung u naunge dang nangul᷊i, “Ia ko seng maghurang dang seng ko l᷊ome kiri'i, tumaniewe mborong mo mul᷊al᷊au dingang kawingku? Nangilembo l᷊ai kawingku seng maghurang l᷊ai.”

Wal᷊ingewe hintounge sarung makoa bangsa ko l᷊abo dang makawasa? Wal᷊ingewe bo i sie, kaul᷊i u bangsa su dunia sarung Daku al᷊amating?

I Abraham nusumandighi su MAWU dang nakina, “Apa tingari MAWU sarung mupakawinasa ngu taumata ko ta nunsal᷊a singkahindo dingang u taumata ko nunsal᷊a? Boko pia l᷊imampul᷊o su kataunge taumata ko ta nunsal᷊a su l᷊al᷊ung u soa e'e, apa kal᷊abo u soa e'e sarung ipakawinasa ngu MAWU? MAWU ta mangonggo ampunge si sire tadeau i sire l᷊imampul᷊o su kataunge e'e masal᷊amati?

MAWU nuhengetang, “Boko Daku kahombangeng l᷊imampul᷊o su kataunge taumata ko ta nunsal᷊a su Sodom, sarung Daku iampungang kal᷊abo u soa e'e ual᷊ing i sire.”