Populaire Bijbelverzen uit SASUWANG 20

Delen

“Ko Ia MAWU Ruata ngi kumu ko numbawa si kumu nusumuwang bou Mesir tampa i kumu niputahul᷊ang. Kumbahang manumba manga mahang u mahang mawu ko wal᷊inge. Panumbako kitang si Sia.

Kumbahang mukoa patong guna ngu watangengu ko masandighi kere apa ko ene su l᷊angi, su dunia, arako su l᷊al᷊ung u ake su al᷊ung u dunia. Kumbahang manumba patong musul᷊ung u e'e, watu ko Ia MAWU Ruata ngu, dang Ia tawe mo ipusul᷊ung dingang u manga apa. Manga taumata ko nubinsi u Ia, Daku ihukung sarang murating u hintounge ko katilunge dang kapae.

Pangadatiko si papa ngu l᷊au si mama ngu, tadeau i kumu masal᷊amati dang ipakaumuri su tana ko sarung ionggo si kumu.

Pakasusiko l᷊ou Sabati dang pangadati l᷊ou e'e kere l᷊ou ko susi.

Kumbahang musigho areng-Ku dingang asal᷊i kasighonge, watu'u Ia, MAWU Ruata ngi kumu, muhukung i sai-sai ko musal᷊a sigho areng-Ku.

I kumu Daku onggol᷊ang nungu l᷊ou guna ngu muhal᷊i, Kateho l᷊ou kapitunge e'e ko l᷊ou pangindul᷊eng ko nitantu guna ngu Ia, Su l᷊ou e'e takoae singkatau ko botonge muhal᷊i, maneng i kumu arako l᷊ai manga ana i kumu, manga paparentang i kumu, binatang pupal᷊iharang i kumu arako taumata ngu raghi ko natana su soa ngi kumu.

Kumbahang mainging koa u taumata ko wal᷊inge: wal᷊enge, kawinge, manga l᷊ange, binatang papal᷊iharange, keledainge, arako patiku ko tataghuanenge.”

Kumbahang musaksi ngu l᷊eo su taumata ko wal᷊inge.

Kumbahang mawuang.

Kumbahang mamate.

Kumbahang manako.