Populaire Bijbelverzen uit SASUWANG 13

Delen

Su tempo l᷊ou MAWU nul᷊umal᷊eng su tingo ngi sire su l᷊al᷊ung u rihi winawa dang su tempo huwi I Sie muhoro si sire su l᷊al᷊ung u rihi putung guna ngu manibo l᷊al᷊eng. Dingang kere'e i sire botonge l᷊umal᷊eng l᷊ou dang huwi. Su kanandu u l᷊ou rihi winawa ene su tingo ngu bangsa e'e dang su kanandu huwi u rihi putung mahundingang i sire.

Suapang ratu ngu Mesir namilo u bangsa Israel nusumuwang, Mawu Ruata ta numbawa si sire nul᷊umiu l᷊al᷊eng ko sumahe wanua ngu Filistin, maning l᷊al᷊eng e'e ko masandighi. Mawu Ruata nusipiri, “Kumbahang manga taumata e'e musisili boko makawua himoneu i sire mambeng muparang, bou e'e i sire sau musul᷊e sarang Mesir.”

Ual᷊ingu e'e Mawu Ruata numbawa si sire bou l᷊al᷊eng mul᷊iku l᷊umiu tana l᷊inggi matupasi u l᷊auri u Gelagah. Su tempo nanintang u Mesir, manga taumata ngu Israel e'e pia aghiri musul᷊ung u muparang.