Populaire Bijbelverzen uit ወንጌል ዘማርቆስ 9

Delen

ወይቤሎ እግዚእ ኢየሱስ እስመ ትቤ እመ ትክል ርድአኒ እመሰ ተአምን ኵሉ ይትከሀል ለዘየአምን።

ወጸርሐ አቡሁ ለውእቱ ወልድ ወይቤ አአምን እግዚኦ ባሕቱ ርድኦ ለኢአሚኖትየ።

ወበዊኦሙ ቤተ ይቤልዎ አርዳኢሁ በባሕቲቶሙ በእፎ ስእነ ንሕነ አውፅኦቶ። ወይቤሎሙ ዝንቱ ዘመድ ኢይክል ይፃእ ዘእንበለ በጾም ወበጸሎት።

ሠናይ ውእቱ ጼው ወእመሰ ጼው ለስሐ በምንት እንከ ይቄስምዎ። ጼወ ርከቡ በበይናቲክሙ ወተሰናአዉ።

ዘተወክፈ አሐደ ዘመጠነዝ ሕፃን በስምየ ኪያየ ተወክፈ ወዘኒ ኪያየ ተወክፈ አኮ ኪያየ ባሕቲቶ ዘተወክፈ ዘእንበለ ዘፈነወኒ።

ወዘአስተየክሙ ጽዋዐ ማይ ቈሪር በስምየ እስመ እለ ክርስቶስ አንትሙ አማን እብለክሙ ኢየኀጕል ዕሴቶ።

ወዘአስሐቶ ለአሐዱ እምእሉ ንኡሳን እለ የአምኑ ብየ ይኄይሶ ይስቅሉ ማኅረጸ አድግ በክሣዱ ወያስጥምዎ ውስተ ባሕር።

ወእመኒ ዐይንከ ታስሕተከ ምልሓ እስመ ይኄይሰከ ነቋረከ ትባእ ውስተ መንግሥተ እግዚአብሔር ፤