Populaire Bijbelverzen uit Kor1 2

Delen

Sɛnɛ, a n ka Lawa a sɛ́wɔ bɛ́ á pɛ lɔn: «Min mɛnɛn bɛ́ Lawa narɛ, a màn mɛn zɛnaa á koa bɛn manɛ, min kɔ́n yii bin nə n miã yɛ wa, min kɔ́n too bin ma wa, min kɔ́n a taasiɛ tɔn dɔ a ganaa wa.»

Lawa a Yiri Fu bɛ́ a ba min mɛn lon wa, bɛa boe la a lɛ kɔ Yiri Fu a boo taãnan ganaa wa. A n gàãnaabaa lɛa ǹ dɛnaa yii li, a boe la a tá a giala miɛ wa, a giala, Yiri Fu dinsɔɔ̃ n boe la á sii a bɔkɔnlɛ doɛ̃.

Sɛnɛ, Lawa bɛa sii-durii kɛ lɛ nyaa wɔsɛn nɛ Yiri Fu pàã ganaa. Taãn nɛ, Yiri Fu dinsɔɔ̃ n boe la a ga sii ganaa a dɔ̃, haalɛ Lawa a sii mɛn bɛ́ durii-n zuzulu, á bɛ tumaa doɛ̃.

Ǹ bie ǹ nə́ kanaa a yiri kɔ wɔsɛn la wa, sɛnɛ, Lawa na á ná a din a Yiri Fu kɔ wɔ la, ń giɛ, a din bǐɛ̃baa ǹ mànan mɛnɛn kɔ wɔ la, wɔ boo la wɔ bɛn dɔ̃.

Maa boo ne, ka maa laakalaa ǹ gɔn nɛ, ǹ kɔ́n goã sii-dɔ̃ ǹ lɛ gɔ́ɔ̃ boo lɛa wa. Sɛnɛ, Yiri Fu pàã màn mɛn kɔ ma la, man má bɛ dinsɔɔ̃ a sii nyaa ka nɛ. Bɛ na á n zɛnaa miɛ̃, màn mɛn bɛ́ toɛ, kaa goleemali baran goã doa-n minbuiinin sii-doɛ̃ ganaa wa, sɛnɛ, a goã doa-n Lawa a pàãdɛnaabaa ganaa.