Populaire Bijbelverzen uit Sɩngre 37

Delen

A Zozɛf zãmsa zãmsdo, n dɩk n togs a kẽem-dãmbã, la bãmb kisg-a lame n paase.

La a Israyɛll rag n nonga a Zozɛf n yɩɩd a kamb a taabã fãa. Bala, yaa yẽnda kʋʋlem wakate, la a rog a Zozɛfe. A Zakoob rag n sẽe fu-gʋlem n kõ a Zozɛfe.

A Zozɛf kẽem-dãmbã sẽn mik tɩ b baaba nonga a Zozɛf n yɩɩd bãmb fãa wã, bãmb kisg-a lame. Dẽ, bãmb ka leb n tar mo-noog ne-a ye.

A Zozɛf leb n zãmsa zãmsd a to yɛsa, n leb n dɩk n togs a kẽem-dãmbã. Yẽnda yeelame: «Ges-y-yã! Mam leb n zãmsa zãmsdo! Ade, wĩndgã ne kiuugã la ãds piig la a yembr n dag n wõgemded mam taoore.»

A Zozɛf kẽem-dãmbã maana sũ-kiir ne yẽnda. La a Zozɛf ba a Zakoob rag n bĩngda yel-kãensã a sũurẽ.

A Zozɛf yeel-b lame: «Kelg-y mam zãmsdã! Tõnd dag n bee pʋʋgẽ ne taab n gĩnd ka-gĩna, la mam ka-gĩndã yikame n yals yĩngri, la yãmb ka-gĩnã gũbga mam ka-gĩndã n wõgemded a taoore.»

Wa-y tɩ d kʋ-a n lob bulgẽ, la d kuil n tɩ yeel tɩ yaa we-rũng n yõk-a n wãbe, la d ges yẽnda zãmsdã sẽn na yɩ bũmb ninga.»

Woto, Madiyã toandbã sẽn wa n loogdẽ wã, bãmb yiisa a Zozɛf bulgẽ wã, n koos-a ne Ismayɛll buudã neb wanzuri ligd pisi, la b talla a Zozɛf n kẽng Ezɩpt tẽnga.

Ad bãmb sẽn gom ne taab n yeele: «Ad zãmsdã naab sẽn wate.

Bãmb yãnda a Zozɛf t'a ket n be yɩɩga. La a Zozɛf sẽn nan ka ta bãmb sẽn beẽ wã, bãmb yẽsa ne taab n dat n kʋ-a.

A Rubɛn leb n yeelame: «Da raag-y-yã a zɩɩm ye. Lob-y-yã-a bulgã pʋg weoogẽ wã, la y ra sɩɩs-a ye.» A Rubɛn dag n maana woto n na n fãag a Zozɛf bãmb nusẽ n tall-a n tɩ lebs a baaba.