Populaire Bijbelverzen uit Sɩngre 25

Delen

Sẽn-Ka-Saab yeela a Rebeka yaa: «Yaa soolem a yiib n be fo pʋgẽ wã. La buud a yiib-kãens na n welga taaba, fo sẽn na n dog-bã wakate. Buud a yembr pãng na n yɩɩga a to, la yao wã na n sooga kãsmã.»

A Ezayu yeela a Zakoob yaa: «Mam kotame tɩ f yãk f rɩ-moomdã n kõ-m tɩ m dɩ. Bala, mam yɛɛ zãnga.» Rẽ kɩtame tɩ b pʋd a Ezayu yʋʋr t'a Edom, sẽn dat n togs tɩ ‹rɩ-moomde.›

A Izak pʋʋs n kosa Sẽn-Ka-Saabo, a pag a Rebeka yĩnga. Bala, a rag n ka tar dogem ye. La Sẽn-Ka-Saab wʋma a kosgã. La a Izak pag a Rebeka rɩka pʋga.

La a Ezayu leokame: «Gese, mam dat n kiime, dẽ wã, bi-kãsen-pʋɩɩrã yõod ne maam yaa bõe?» Dẽ, a Zakoob yeel-a lame: «Sã n yaa woto, bɩ f reng n wẽene.» La a Ezayu wẽena ne a Zakoobe, n dɩk a bi-kãsen-pʋɩɩrã n koos ne a Zakoobe.

La rẽ poore, yao wã pʋgl n yiime, la a nugã rag n gãda a Ezayu nao-kãsenkãarã. La b pʋda yẽnda yʋʋr t'a Zakoobe. Bãmb sẽn wa n na n dogã, t'a Izak rag n tara yʋʋm pis-yoobe.

A Izak rag n nonga a Ezayu, bala, a dag n wat n kõta yẽnda weoog nemd t'a wãbdẽ. La a Rebeka rag n nonga a Zakoobe.