Populaire Bijbelverzen uit Romefo 16

Delen

Na asomdwee Nyankopɔn bodwuruw Satan wɔ hom ananadze ntsɛmara. Hɛn Ewuradze Jesus Kraest adom nka hom.

Na afei, enuanom, meserɛ hom dɛ, hɔn a wɔdze mpaapaamu ba na wɔto fintsidua a otsia nkyerɛkyerɛ a hom esua no, hom nhyɛ hɔn nsew, na hom ntwe homho mfi hɔn ho.

Na hɔn a wɔtse dɛm no wɔnnsom hɛn Ewuradze Kraest, na mbom hɔnankasa hɔn yafun a, na wɔdze tɛkyerɛmadɛw nye adɔkɔdɔkɔsɛm daadaa hɔn a wonnyim hwee no.

Na afei, nyia otum dɛ ɔhyɛ hom dzen, dɛ mbrɛ m’asɛmpa nye Jesus Kraest ho asɛnka tse, dɛ mbrɛ esumasɛm nyikyerɛ a wofi tsetse esie no foo no, na afei dze woeyi no edzi, na ɔnam nkɔnhyɛfo kyerɛwnsɛm no do, dɛ mbrɛ onnyiewiei Nyankopɔn ne mbrasɛm tse no, woyi kyerɛ amanaman nyina kɔ gyedzi setsie mu, Nyankopɔn a ɔno nkotsee nye nyansafo no, ɔno na enyimnyam ndua Jesus Kraest do nka no afebɔɔ. Amen.