Populaire Bijbelverzen uit Genesi 8

Delen

PFHUMU Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.” “Gikhati gyatshavbo mafu ma na simamago na ma romo, guyala ni guhavela, guvbisa ni girame matshiga ni maronga, mihani ni wutshigu, gima kha si na fuva.”

Nowa a di gira giluvelo a gi phasela ga PFHUMU Nungungulu. A di dzega gimwegyo ga lifumbu ni lifumbu nya sinyoni ni sirengo sile nyamba loledziswa gu hodzwa, a gu luva PFHUMU Nungungulu khu phaselo nya mhamba nya guvbiswe vbagiluvelotunu.

Nungungulu a di alakanya Nowa ni sirengo satshavbo nya likhabi, ni sifuyo si nga bani siri ni Nowa taroni. A di wusa phuvbo yi gu furugedza mafuni, mati ma phela gubosa.

Lituva li di wuya gambe gwaye ni silambo, na li pharide khu rotho lihagane nya liphya nya simbo nya olivha. Khavbo avbo, Nowa a di dziti gukhuye mati ma vbwasamide mafuni.