Populaire Bijbelverzen uit Genesi 28

Delen

Eni nyi na ni uwe, nyi na gu vhikela ni evbini u na hongolago, nyi na gu wuyisa tigoni momu, kholu gima kha nyi na gu diga, nyi si gu tadzisi esi nyi gu tumbisidego.”

Khu vbatshani gakone, a di khade PFHUMU Nungungulu a mu embela, khuye: “Eni kheni PFHUMU Nungungulu wa koko wago Abrahama ni Nungungulu wa babe wago Isaki. Nyi na gu ninga uwe gumogo ni livelego lago, litigo leli u ladego avbo.

Na khendzugide, Jakobe a di ganela, khuye: “Khu lisine PFHUMU Nungungulu womo wulanga wowu, aholu eni nyi di si dziti.”

Khavbo avbo, Jakobe a di gira gisambanyo, khuye: Nungungulu a gu gimbila ni eni a nyi endredza ga lipfhumba leli nyi gu nalo, a nyi ninga guhodza ni guambala, a nyi kategisa nyi bwelela khu gurula ndrangani ga babe wangu, khu guralo, PFHUMU Nungungulu a na khala uye Nungungulu wangu. Giwindri gegi nyi gi tsitsidego kha nga lidingo nya gialakanyiso, gi na bani na giri Nyumba ya Nungungulu; ga satshavbo iso a na gu nyi ningago nyi na dusa nyi livba gipandre nya likhumi.

Sanana sago si na tala ngudzu kha nga mafu ya tigoni; u na nava uya Muhwadambo ni Khugadambo, Wuronga ni Marandzi. Mahundzu nya vathu vatshavbo va tigoni, ma na kategiswa khavbo gwago ni ga livelego lago.

Jakobe a di rana wulanga wule, khuye Bheteli, lidhoropa khu gale li nga bani li gu ranwa gupwani Wenengedzo.