Populaire Bijbelverzen uit O KEJADIAN 26

Delen

Ngohi aha tonï göana deʼ Tonihibarakati. Mata-mataika o daera nënanga aha Tonihidöaka ngonaika deʼ aningohaka de ani danongika. Ngohi aha tohiganapu Ahi jaji tohidoä-doäkoka o Abrahamika ani ama.

Ngohi aha tonihidöaka ngonaika o ngohaka de o danongo mangöe hokä o murumu o dihangoka, deʼ mata-mataika o daera nënanga aha Tahidöaka onangika. Mata-mata o berera de o hoana o duniaka aha yogahoko Ngohino hupaya Ngohi tahibarakati önanga hokä sarakia Tahibarakati ani difauku. Ngohi aha tinihi barakati ngini, karana o Abraham wohihimotekoka Ngohi deʼ wapaliara hagala o hukumu deʼ Ahi huloko.”

De ipahaika ünanga woma tururu genangoka, deʼ yohaiti o humu mahangeoka. Nenanga mamoi idadiua o ributu. Karana gënanga, o Ishak wohiromanga o humu gënanga ”Ibebasoka”. Wätemo, ”O öraha nënanga ma Jou wonahi bebasoka ngone mangale högogere o berera nënanga deʼ ngone aha ilamoko nanga hasili nenangokadau.”

O hali gënanga wadiai karana ma Jou womahi matokoka Ai diri unangika deʼ wïtemo, ”Uha noiki o Mesirika nogogere o bereraka nënanga, hokä Tonihiparetaka ngonaika.

De ipaha o Ishak wohigoko o huhuba mangï deʼ wïhuba ma Jou genangoka mangï. Unanga womätau genangoka deʼ ai gogilaongo yohaiti o humu mahomoa.