Populaire Bijbelverzen uit O KEJADIAN 21

Delen

Ma Jou womihibarakati o ngo Sara, hokä womi jäjajioka.

Ma Jou Madutu woihene o Ismael ai ilingi, deʼ ma Jou Madutu Ai malaekat o dihangoka deʼ wotemo o ngo Hagarika, wato, ”Okia ngona nomahuha, Hagar? Uha nohawana. Ma Jou Madutu woihenoka aningohaka ai ilingi. Noiki ani ngohakika, nïgoraka deʼ nihidodiai ünanga. Ngohi aha tahidadi aingohaka deʼ ai danongo o berera deʼ o hoana ma ago-agomo.”

Maöraha wohi tötantuoka ma Jou Madutu maöraha o Abraham iwiperekioka, o ngo Sara moroëhe daha mongohaka o nauru womatengo.

O ngo Sara motemo, ”Ma Jou Madutu wodiaioka ngohi toiete karana tomorene. Moi-moi o nyawa yoihe-ihene o hali nënanga aha yoiete yomorene dede ngohi.”

Mä ma Jou Madutu wïtemo o Abrahamika, ”Uha nohawatere yakorona ngoni gilaongo o ngo Hagar deʼ amingohaka gënanga. Nodomoteke o ngo Sara amimau, karana deʼ madodagi o Ishak ngona aha namake o ngohaka deʼ o danongo Tonihi jäjioka gënanga.

Hoko genangö o ngo Hagar ami ngohakika aha Tihi döaka manga ngoë o ngohaka deʼ o danongo hupaya önanga yodadi o berera de o hoana. Hababu unangö aningohaka.”