Populaire Bijbelverzen uit O KEJADIAN 15

Delen

O Abram wïngaku ma Jouika, deʼ karana gënanga ma Jou wïtarima ünanga hokä o nyawa yasosanangi Ai hininga.

Genanga deʼ iböto o Abram watarima o momake deʼ wo ihene ma Jou Madutu wïtemo unangika, ”Uha nohawana, Abram, Ngohi aha tonihirehene obodito, deʼ tonihidöaka ngonaika o hewa ma amoko.”

Ma Jou wïao o Abram maporetika daha wïtemo unangika, ”Napulono o dihanga, deʼ nohitaili naetongo hagala o murumu; ngona aha deʼ ani ngohaka deʼ ani danongo manga ngoë hokä hagala o murumu gënanga.”

Ipahaino o Abram woihene ma Jou wïtemoli unangika, ”Ko anigilaongua aha wodadi ani puhaka wapopareta, duga-duga aningohaka o nauru mahirete.”

Ma Jou wïtemo unangika, ”Nohohininga aningohaka deʼ ani danongo aha yodadi o nyawa mahomoa o berera mahomoaka; önanga aha yodadi o gilaongo dokengoka deʼ aha yahidiai itorou otaongo moruatino madekana.

Mä o Abram wotemo, ”Jou noko Kurutil̄e, Jou nohihi döakua o ngohaka ngohino. O nyawa aha yapopuhaka ahi arata duga-duga ka o Elieser, ahi gilaongo o Damsyikino. Ho, okia ma faida Jou nohihidöaka o hewa ngohino?”

Ka maöraha gënanga dika ma Jou wadiai o jaji deʼ o Abram. Ma Jou wotemo, ”Ngohi tojaji aha Tohidöaka aningohaka deʼ ani danongika o tonaka nënanga mata-mataika, mabatingi i mulaenge o Mesir maberera hiädono o Efrat ma ngairika

Ipahaika ani difauku maiatoka, aningohaka deʼ ani danongo aha imakilioro nenangino, karana gënanga aha Ngohi täduhuua o Amori manyawa ihira deʼ önanga yodadiuwahi hoko gënanga ma nga dorou hiädono i paralu Tähukumu.”