Populaire Bijbelverzen uit O KELUARAN 7

Delen

Ma Jou wïtemo o Musaika, ”Ngohi aha tonihidadi ngona hokä ma Jou Madutu ma koano ai himangoka, deʼ ani riaka o Harun aha wo temo-temo unangika hokä ani nabi.

Mä Ngohi aha tohidadi ma koano ai haëke i togowini. Unanga aha woni haduliua ngona, ngaroka Ngohi tö gao o bodito ma ngoë o Mesir ma bereraika. Karana gënanga Ngohi aha tahukumu o Mesir de o hukumanga madodubuho, de ipaha Tä ao mata-mata o Israel manyawa, Ahi umati, yohupu de o berera gënanga.

Done o Mesir manyawa aha ihi öriki Ngohi nënanga ma Jou, maöraha Ngohi Tä hukumu önanga deʼ Tä ao o Israel manyawa yohupu toönanga manga bereraka.”

Karana gënanga ma koanö wä ahoko hagala ainyawa yososawaro deʼ yomai-maihi, daha önanga yodiai hoko genangoli deʼ toönanga manga mamaihi. Onanga ihi kaweli toönanga manga diki-diki o tonakuku deʼ manga diki-diki gënanga ingali imadadi o dodiha. Mä o Harun ai diki-diki yalahiri toönanga manga diki-diki.

Hababu gënanga, ma Jou wotemo hoko nënanga, ’Okia damä aha Tadodiai genangino, ngona aha nohi öriki Ngohi ma Jou. De o diki-diki nënanga ngohi aha tagohara o ngairi ma akere mal̄oku uku, deʼ ma akere aha ingali imadadi o awunu.

”Nako ma koano wogahoko ngini nidiai ihera-heranga hokä manyonyata igoungu, nï huloko o Harun wal̄ë ai diki-diki deʼ wo hikaweli o tonakuku ma koano ai himangoka. O diki-diki gënanga aha ingali imadadi o dodiha.” Done o Musa deʼ o Harun yoiki iwï himanga ma koano deʼ önanga yodiai okia ma Jou Madutu wahi popareta. O Harun wohi kaweli ai diki-diki o tonakuku ma koano de ai pegawe-pegawe manga himangoka, daha o diki-diki gënanga ingali imadadi o dodiha.