Populaire Bijbelverzen uit O KELUARAN 16

Delen

Onanga yato, ”Iholoi yaoa nako ngomi mihonengoka ma Jou womï toma o Mesir mabereraka. Dokengoka kamakuranguku ngomi miakunu migogeruku miol̄omo o hiode ma akeme deʼ o roti hiädono imïpunuhu. Mä ngini nimïao ngomi nenangino hupaya ngomi mata-mata o hahini mihihonenge.” Ma Jou wïtemo o Musaika, ”Oraha nënanga aha Tohi guti o inomo de maboboloi hokä o awana mangale ngini mata-mata. O wange higetongo ngini kokiani nimadoomu o inomo gënanga uha ikuranga mangale o wange moi. De madodagi hoko gënanga Ngohi tomau Tä uji Ahi umati hupaya Ngohi tohi öriki önanga ihi ngounu hagala Ahi pareta ekola kowali.

O tonaka ikokakahaka gënanga önanga mata-mata yotaiana o Musa deʼ o Harunika.

Ma Jou aha winihidöaka ngini o hiode ma akeme o bimaoa, deʼ o roti o ngoru-ngorumino hiädono ngini inï punuhu, karana ma Jou woihenoka ngini niwi ngamo-ngamo Unangika. Igou-goungu, nako ngini nimï ngamo-ngamo ngomino, ngini niwi ngamo-ngamo ma Jouika.”

”Ngohi toihenoka o Israel manyawa manga gurubungu. Nahetongo onangika o bobimaoa önanga yakunu yol̄omo o hiode ma akeme, deʼ o ngoru-ngorumino önanga yakunu yol̄omo o roti hiädono yapunuhu. Done önanga aha ihi öriki Ngohi ma Jou, toonanga manga Jou Madutu.”