Populaire Bijbelverzen uit LIVALIZA 13

Delen

Kalebu yakiring'anyia vandu vaali ni vililira imbiri wa Musa, yavoola, “Gendi kuzie kuvingilira kalunu na kuvuguli kivala yiki. Kunyi koveeye ni zinguru kandi kulakiguuta.”

Kali kwalola mu kivala yiki mindu minene ligali, vaali visukululwi via Anakimu. Kwaloleka kuva vakekeeke kuli amadagalala kuvo, kunangwa nindio kwaloleka imbiri wavo.”

Navuzwa avandu vaali nivaziiyi harara na Kalebu vavoola, “Kunyi si kunyala kwingilira vandu yava mba; kigira vaveeye nizinguru kuvita kunyi.”

Kunangwa valandiza makuva govovehi ku vandu va Isiraeli kigira kivala cha vazia kutunyiriza. Vavoola, “Kivala yicho sikeveeye ni viamo viu kulihiza kali vandu vamenyi mu mba. Vandu vosi vakwalola mu vaali vatambi ligali!

Vavoolera Musa, “Kumali kuduuka mu kivala cha wakutuma. Kutunyirizi konyooye ndi, keveeye kivala kigunamu kandi kenoru ligali; yaga na makuyu gakoleeti kutura mucho.

Navuzwa avandu vamenyi mu kivala yiki vaveeye vi zinguru ligali, kandi madaala gaavo gaveeye manene kandi gi zimbinga. Komeeda kogene yago, kwalola visukululwi via Anakimu mu kivala yiki.

Avandu vihiiri ya Maleki vamenyi kolovega lwi isavaalu. Avandu vizihiiri zia Hiti, Jebusi na Amori vamenyi mu kivala chi kiguru. Ihiiri ya vandu va Kanaani vamenyi himbi ninyanza ya Meditareniani, kandi himbi nu mugera gwa Jorodani.”

ku Musa, Haruni harara na vandu vosi va Isiraeli ha Kadeshi mwigendanyama lia Parani. Vahaana makuva ga vanyoola wene yeyo, kandi vavamanyia makuyu gavaleeta kutura mu kivala yicho.